Yɩɩn-sõamyã sebre
SEBR A NU SOABA
(Yɩɩn-sõamyã 107-150)
2 Bɩ neb nins a Zeova sẽn fãagã yeel woto,
rat n yeel tɩ neb nins a sẽn fãag b zabd-n-taasã nusẽ,*+
3 b rãmb nins a sẽn yiis soolem toɛy-toɛyã pʋsẽ n tigmi,+
a sẽn yiis yaang la nin-taoore,*
goabg la rɩtgã.+
4 B ra yeebda we-raoogẽ wã, we-rasempʋɩɩgẽ wã.
B ra pa ne sor sẽn teesd tẽng b sẽn tõe n tɩ zĩnd ye.
5 Kom la ko-yũud n da tar-ba.
Yaamsã kɩtame tɩ b* ra rat n sobe.
8 Bɩ nebã pʋʋs a Zeova bark+ a maan-neerã yĩnga,
la a tʋʋm-kãsemsã a sẽn tʋmd n sõngd ninsaalbã kambã yĩnga.+
9 Bala a kɩtame tɩ ko-yũud sẽn tar a soabã yũ n tɩge,
10 Kẽer da bee lik bida pʋgẽ,
n be bãens rotẽ n namsdẽ tɩ b balg-b ne bãense.
11 Yɩɩ b sẽn da tõdg Wẽnnaam gomdã yĩnga.
B paooga Sẽn ka-a to wã saglgã.+
12 Dẽ, Wẽnnaam kɩtame tɩ b namse, sẽn na yɩl tɩ b sik b mense.+
B lʋɩɩme,* tɩ ned kae n na n sõng-b ye.
13 B boola a Zeova n kos sõngr b toogã pʋgẽ.
A fãag-b-la b yel-pakrã pʋgẽ.
14 A yiis-b-la lik bida pʋgẽ,
la a kao b sogdsã.+
15 Bɩ nebã pʋʋs a Zeova bark a maan-neerã yĩnga,+
la a tʋʋm-kãsemsã a sẽn tʋmd n sõngd ninsaalbã kambã yĩnga.
16 Bala a kaoo zũud kʋɩlensã,
la a kao kud-bɩlmã.+
18 Rɩɩb buud fãa yamleoog ra pa le tar-b ye.*
B ra kolga kũum rignoyẽ.
19 B ra boonda a Zeova n kot sõngr b toogã pʋgẽ.
A ra fãagd-b-la b yel-pakrã pʋgẽ.
20 A ra tʋmda a gomdã n sãoogd-ba,+
la a fãagd-b n yiisd bogd nins pʋsẽ b sẽn da bẽd-b n yõgã.
21 Bɩ nebã pʋʋs a Zeova bark a maan-neerã yĩnga,
la a tʋʋm-kãsemsã a sẽn tʋmd n sõngd ninsaalbã kambã yĩnga.
22 Bɩ b kõ bark pʋʋsg maando,+
la b moon a tʋʋmã ne sũ-noog kaasgo.
23 Neb nins sẽn kẽed koom-kogend n togd sor mogrã zugã,
sẽn tʋmd-b b tʋʋmã ko-kãsemsã zutã+
24 yãa a Zeova tʋʋmã,
la a tʋʋm-kãsemsã zĩ-zulumsẽ wã.+
25 B yãa a sẽn gom tɩ sob-kãseng sɩng fugbu,+
n zẽkd mogrã ko-pɛmã.
26 Koom-kogendã rãmb zẽkdame n tat saasã,
la b lebgd n sigd zĩ-zulumsẽ wã.
B raoodã* satame, yel-beedã sẽn yɛgd-bã yĩnga.
28 Rẽ poore, b kelemd n boola a Zeova b toogã pʋgẽ,+
t’a fãag-b b yel-pakrã pʋgẽ.
29 A kɩtdame tɩ sob-kãsengã yõke,
tɩ mogrã ko-pɛmã pa sɩddd.+
30 Ko-pɛmã sã n wa kell n pa sɩɩ, koom-kogendã rãmb kɩdemda sũ-noogo,
tɩ Wẽnnaam tall-b n kẽng koom-kogend yalsg zĩig ning b sẽn da ratã.
31 Bɩ nebã pʋʋs a Zeova bark a maan-neerã yĩnga,
la a tʋʋm-kãsemsã a sẽn tʋmd n sõngd ninsaalbã kambã yĩnga.+
33 A kɩtdame tɩ kʋɩlsã lebg we-rasempʋɩɩga,
tɩ ko-bunds zĩisã lebg tẽn-koɛɛnga,+
34 la a kɩtdẽ tɩ tẽng sẽn sakd kood lebg zĩ-vɩʋʋg sẽn yaa yamsem,+
neb nins sẽn be be wã wẽnemã yĩnga.
35 A kɩtdame tɩ we-rasempʋɩɩgã lebg bãgs sẽn tar tãnwĩisi,
tɩ tẽn-koɛɛngã lebg ko-bunds zĩisi.+
38 Wẽnnaam ningd-b-la barka, tɩ b fɩɩgd wʋsgo.
A pa basd tɩ b niisã sõor boog ye.+
39 La b sõorã le wat n boogame, tɩ b paam paoogre,
b sẽn paam weoogr ne yel-beed la sũ-sãang yĩnga.
40 Wẽnnaam ningda nin-kãsemsã yãnde,
la a kɩtdẽ tɩ b yeebd zĩ-vɩɩd sẽn pa tar soay pʋsẽ.+