Yɩɩn-sõamyã sebre
A Davɩɩd yɩɩlle.
144 Bɩ a Zeova sẽn yaa mam Pĩig kugrã+ paam pẽgre,
yẽ sẽn yaa Soab ning sẽn zãmsd maam zabre,
la sẽn segend maam zabr yĩngã.+
2 A yaa mam maan-neer soab la m pãng zĩiga,
m soondg zĩig meng-meng la m fãagda.
A yaa mam gãongo, Soab ning nengẽ mam sẽn tɩ soondã,+
la Soab ning sẽn kɩtd tɩ mam tõogd buud toɛy-toɛyã.+
3 Zeova, ninsaal yaa bõe tɩ yãmb segd n get a yelle,
wall ninsaal sẽn yaa kiidã biig yaa bõe tɩ yãmb segd n get-a?+
7 Pa-y yĩngr n tẽeg y nusã.
Fãag-y maam n yiis koomã sẽn zoet ne pãngã pʋgẽ,
la y yiis-m sãambã nusẽ.+
8 B noyã gomda ziri.
B zẽkda b nug-rɩtg n wẽend n togsd ziri.*
9 Mam Wẽnnaam, mam na n yɩɩla yɩɩn-paall yãmb yĩnga.+
Mam na n yɩɩla ne yʋʋm-teoog sẽn tar riss piig n pẽg yãmba,
10 yãmb a Soab ning sẽn kɩtd tɩ rĩm-dãmb tõogd zabrã,*+
Soab ning sẽn fãagd a tʋm-tʋmd a Davɩɩd sẽn na yɩl tɩ b ra kʋ-a ne sʋʋgã.+
11 Fãag-y maam n yiis sãambã nusẽ.
B noyã gomda ziri.
B zẽkda b nug-rɩtg n wẽend n togsd ziri.
12 Dẽ, tõnd kom-dibli wã na n yɩɩ wa tɩ-poal sẽn bɩt tao-tao,
tɩ d kom-pugli wã yɩ wa roog gõdr zĩigẽ ra-lugs b sẽn pees na-yir yĩnga.
13 Tõnd teedã bĩngr rot na n pida ne bũmb buud toor-toore.
Tõnd rũm-bõonegã sẽn be d pʋtẽ wã sõor na n paasa naoor tusa, la naoor tus ka tɛka.
14 Tõnd niisã sʋka, bũmb pa na n paam sẽn tar-b pʋsã ye. B pa na n fab me ye.
Sũ-sãang yãbr pa na n tol n zĩnd tõnd zãma wã zĩisẽ ye.
15 Sũ-noog rãmb la neb nins yɛl sẽn yaa woto wã!
Sũ-noog rãmb la neb nins Wẽnnaam sẽn yaa a Zeova wã!+