147 Pẽg-y-yã a Zah!
Yaa sõma tɩ d yɩɩl n pẽg tõnd Wẽnnaamã.
A pẽgr sɩd bee yamleoogo, n zems me!+
2 A Zeova meta Zerizalɛm.+
A tigimda Israyɛll neb nins sẽn da sãeegã.+
3 A belsda sũ-sãang rãmbã.
A vinda b noadã.
4 A mii ãdsã sõore.
A boonda b fãa ne b yʋya.+
5 Tõnd Zu-soabã yaa kãsenga, n tar pãng wʋsgo.+
A yamã pa tar koak ye.+
6 A Zeova zẽkda sik-m-mens rãmbã,+
la a lobda nin-wẽnsã tẽnga.
7 Yɩɩl-y bark pʋʋsg yɩɩl a Zeova yĩnga.
Yɩɩl-y n pẽg-y tõnd Wẽnnaamã ne pɛndga.
8 Yẽ n yaa soab ning sẽn talld sawatã n lut saasã,
Soab ning sẽn kɩtd tɩ saagã niid tẽngã yĩngã,+
la Soab ning sẽn kɩtd tɩ mood yit+ tãensã zutã.
9 A kõta rũmsã rɩɩbo,+
la a kõt gãab-bi wã sẽn boond n kot rɩɩbã rɩɩbo.+
10 A pa maand sũ-noog ne wed-moaag pãng ye.+
Ninsaal nao sẽn tar pãng me pa yɛɛsd-a ye.+
11 A Zeova sũur nooma ne sẽn zoet-b yẽ wã.+
A sũur nooma ne sẽn gũud-b yẽ maan-neerã.+
12 Zerizalɛm, waoog a Zeova.
Siyõ, pẽg fo Wẽnnaamã.
13 A kɩtdame tɩ fo tẽngã kʋɩlensã sogdsã paam pãnga.
A ningda fo kambã sẽn be f pʋgẽ wã barka.
14 A kɩtdame tɩ fo soolmã zĩ bãane.+
A kõta foom bɩle sẽn yaa sõma n yɩɩdã tɩ sekdẽ.+
15 A kõta tẽngã noore.
A gomdã saagda tao-tao.
16 A tʋmda sa-lamd wa rũms kõbdo.+
A sãeegda sa-lamd wa tompɛglem.+
17 A lobda a sa-pɩlmã wa bur-gɩrse.+
Ãnda n tõe n yals a waoodẽ wã?+
18 A tʋmda a gomdã, tɩ b yẽnegdẽ.
A kɩtdame t’a sobgã fugi,+ tɩ koom zoetẽ.
19 A togsda a Zakoob yagensã a gomdã.
A togsda Israyɛll nebã a noyã la a tõodã.+
20 A pa maan woto ne buud a to ye.+
Buud toɛy-toɛyã pa mi baa fʋɩ a tõodã wɛɛngẽ ye.
Pẽg-y-yã a Zah!+