Yɩɩn-sõamyã sebre
Yɩɩlã taoor soab yĩnga. Yɩɩnda ne Yedutun.*+ A Davɩɩd yɩɩlle.
Nin-wẽng sã n wa be m sɛɛgẽ fãa,
m na n ninga m noorã yʋko.”+
3 Mam sũurã ra wɩnga* mam pʋgẽ wã.
Mam sẽn da bʋgsdã,* bugmã ra ket n dɩtame.
Dẽ, mam zɩlemdã yeelame:
4 “Zeova, sõng-y maam tɩ m bãng m baasg sẽn na n yɩ a soaba,
la mam rayã sõore,+
tɩ m tõog n bãng tɩ m yõorã sɩd yaa koɛɛga.*
Sɩd-sɩda, ninsaal buud fãa yaa pemsem bala,+ baa sã n wõnd a zĩi bãane. (Sela)
6 Vẽenega, ninsaal fãa kẽnda wa maasem.
A zoet n yuusda* zaalem bala.
A baooda arzɛk n zamdẽ, n pa mi ned ning sẽn na n dɩ a yõod ye.+
7 Woto wã, bõe la mam na n teege, Zeova?
Yaa yãmb bal la mam teeg-yã.
8 Fãag-y maam m beegrã fãa pʋgẽ.+
Ra bas-y tɩ yalem kɩt tɩ m lebg bũmb b sẽn tar n paoogdẽ ye.
10 Yiis-y toogã yãmb sẽn kɩt tɩ wa mam zugã.
Mam yaame, bala yãmb nugã pãbda maam.
11 Yãmb sɩbgda ninsaal a tudgr yĩnga, n demsd-a.+
Yãmb rɩta bũmb nins a sẽn bao n bĩngã wa mogd* sẽn maand to-to wã.
Vẽenega, ninsaal fãa yaa pemsem bala.+ (Sela)
12 Zeova, kelg-y mam pʋʋsgã.
Kelg-y mam sẽn kelemd n kot sõngrã.+
Ra maan-y wa y pa ne mam nintãmã ye.
13 Bas-y m gẽenego, tɩ m tõog n paam sũ-noogo,
nand tɩ m ki n pa le beẽ ye.”