Yɩɩn-sõamyã sebre
Yɩɩlã taoor soab yĩnga. Segd n yɩɩla ne yʋʋm-teed sẽn tar rissi. Maskɩlle.* A Davɩɩd yɩɩlle.
55 Mam Wẽnnaam, kelg-y mam pʋʋsgã,+
la y ra maan wa y pa wʋmd mam sẽn kot tɩ y zoe m nimbãanegã ye.*+
2 Kelg-y maam la y leok-ma.+
Mam zu-loɛɛgã kɩtame tɩ mam pa tar vʋʋsg ye.+
Mam maanda yɩɩr wʋsgo,
3 bɛyã sẽn yet bũmb ningã yĩnga,
la nin-wẽngã sẽn weoogd maamã yĩnga.
Bala b zamda zu-loees mam zugu.
B sũyã yikame tɩ b tugd beem ne maam.+
5 Rabeem ne rigb n yõk maam.
Mam digdame.
6 Mam yeta wakat fãa yaa: “Mam sã n da tar pɩgs wa marwalle,
mam da na n yɩkame n looge, n tɩ zĩnd bãan zĩigẽ.
7 Mam da na n yɩkame n zãage.+
Mam da na n tɩ zĩnda we-raoogẽ wã.+ (Sela)
8 Mam da na n kẽnga soondg zĩigẽ tao-tao,
n zãag ne sobgã sẽn fugd ne pãngã, la saagã sẽn niid ne sob-kẽengã.”
9 Zeova, kɩt-y tɩ b yirbi, la y kɩt tɩ b magbã ra yãk neng ye.*+
Bala mam yãa nen-kɛglem tʋʋm la zab tẽngã pʋgẽ.
10 Wĩndg la yʋngo, b kẽnda a lalsã zut n gilgdẽ.
Wẽnem la gudgr n be tẽngã pʋgẽ.+
11 Sãoong n be a pʋgẽ.
Weoogr la zãmb zɩ n kong a zãma wã zĩigẽ ye.+
12 Bala pa bɛ n tʋʋd maam ye.+
Sã n da yaa woto, mam da tõe n tõoga toogo.
Pa bɛ sẽn yik n na n zab ne maam ye.
Sã n da yaa woto, mam da na n tõog n solgame t’a pa paam-m ye.
14 Tõnd zoodã ra nooma wʋsgo.
Tõnd da wae n naagda neb kʋʋng n kẽnd Wẽnnaam doogẽ wã.
15 Bɩ m bɛɛbã sãame!+
Bɩ b sig Yaoogẽ* wã vɩɩse,
bala wẽng bee b sʋka, la b pʋsẽ.
16 Sã n yaa ne maam, mam na n boola Wẽnnaam.
A Zeova na n fãaga maam.+
18 A na n fãaga maam neb nins sẽn zabd ne maamã nusẽ, la a kɩt tɩ m* zĩnd bãane.
Bala neb kʋʋng n zabd ne maam.+
19 Wẽnnaam sẽn yaa soab ning sẽn zĩ naam geer zug hal pĩnd wẽndẽ wã+
na n wʋmame n leok bãmba.+ (Sela)
Neb nins sẽn pa zoet Wẽnnaamã+
na n zãgsame tɩ b kõn toeem ye.
21 Yẽ goamã bʋgsame n yɩɩd kaam sẽn gũsi,+
la zabr n be a sũurẽ wã.
Yẽ goamã bʋgsame n yɩɩd kaam,
la b yaa sʋʋs sẽn wõoge.+
A pa na n tol n bas nin-tɩrg t’a lʋɩ ye.+
23 La mam Wẽnnaam, yãmb na n kɩtame tɩ b sig bok sẽn zulum wʋsg pʋgẽ.+
Neb nins sẽn tar zɩɩm taalã ne zãmb dãmbã pa na n vɩɩmd n ta b rayã pʋɩ-sʋk ye.+
La sã n yaa ne maam, mam na n teega yãmba.