Yɩɩn-sõamyã sebre
Yɩɩlã taoor soab yĩnga. Yɩɩlle.
66 Dũniyã nebã fãa, kils-y Wẽnnaam a tõogrã yĩnga.+
2 Yɩɩl-y n pẽg-y-yã a yʋʋrã sẽn tar ziirã.
Kɩt-y t’a pẽgrã yɩ ne ziiri.+
3 Yeel-y Wẽnnaam yaa: “Ad yãmb tʋʋmã kẽesda rabeem!+
Yãmb pãn-kãsengã yĩnga,
yãmb bɛɛbã na n yĩgimda y taoor ne rabeem.+
4 Dũniyã nebã fãa na n wõgemda yãmb taoore.+
B na n yɩɩl n pẽga yãmba.
B na n yɩɩl n pẽga yãmb yʋʋrã.”+ (Sela)
5 Wa n ges-y Wẽnnaam tʋʋmã.
A sẽn maand bũmb nins ninsaalbã yĩngã kẽesda rabeem.+
Be, tõnd kɩdma yẽ pʋgẽ.+
7 A rɩta naam wakat fãa+ yĩng ne a pãngã maasem.
A ninã geta buud toɛy-toɛyã.+
Neb nins sũy sẽn diglmã pa segd n pẽg b mens ye.+ (Sela)
8 Yãmb a buud toɛy-toɛyã neba, pẽg-y tõnd Wẽnnaamã,+
bɩ y kɩt tɩ b wʋm a pẽgrã raamde.
10 Bala mam Wẽnnaam, yãmb feesa tõndo.+
Yãmb yɩlga tõnd wa b sẽn yɩlgd wanzuri to-to wã.
11 Yãmb kɩtame tɩ d lʋɩ bẽdg pʋgẽ.
Yãmb dɩka zɩɩb sẽn yaa zɩsg wʋsg n tʋk tõndo.*
12 Yãmb basame tɩ ninsaal sẽn yaa kiidã zomb wed-moaag n tab tõndo.*
Tõnd pasga bugum, la d pasg koom.
Rẽ poore, yãmb talla tõnd n kẽng yolsg zĩigẽ.
13 Mam na n waa yãmb doogẽ wã ne maand sẽn yõogd bugum.+
Mam na n pidsa bũmb nins mam sẽn pʋlem yãmbã,+
14 bũmb nins mam no-bɩmsã sẽn pʋlme,+
la mam noorã sẽn gom m sẽn wa n be yel-pakr pʋgẽ wã.
15 Mam na n kʋʋ rũm-nobds n kõ yãmb tɩ yɩ maand sẽn yõogd bugum,
la m kõ-y pe-raad maoong bug-zõose.
Mam na n kõo lols ne boeese. (Sela)
16 Yãmb a neb nins fãa sẽn zoet Wẽnnaamã, wa n kelg-y-yã,
17 Mam bool-a-la ne m noore,
la m pẽg-a ne m zɩlemde.
18 Mam sã n da bĩng bũmb sẽn yaa wẽng m sũurẽ wã,
a Zeova ra pa na n kelg maam ye.+
20 Bɩ Wẽnnaam paam pẽgre, a sẽn yaa soab ning sẽn pa zãgs mam pʋʋsgã,
la sẽn pa zãgs n pa maan maam neerã.