Yɩɩn-sõamyã sebre
A Davɩɩd yɩɩlle.
29 Yãmb a pãens rãmbã kamba, kõ-y-yã a Zeova bũmb ning a sẽn segd ne wã.
Kõ-y-yã a Zeova a sẽn segd ne bũmb ningã, a ziirã la a pãngã yĩnga.+
2 Kõ-y-yã a Zeova ziir ning a yʋʋrã sẽn segd ne wã.
Wõgemd-y-yã a Zeova taoor ne fut sẽn yaa sõamyã.*
3 B wʋmda a Zeova koɛɛgã ko-rãmbã zutu.
Wẽnnaam ning sẽn tar ziirã tãsda wa sa-tãse.+
A Zeova bee koom wʋsg zugu.+
4 A Zeova koɛɛgã tara pãng wʋsgo.+
A Zeova koɛɛgã tara ziiri.
5 A Zeova koɛɛgã kaooda sɛɛdr tɩɩse.
A Zeova kaooda Libã sɛɛdr tɩɩsã.+
6 A kɩtdame tɩ Libã yɩk n tĩims wa nag-bila,
tɩ Siriyõ+ yɩk n tĩims wa we-naaf sẽn yaa polle.
7 A Zeova gomdame tɩ bug-witim tãoosdẽ.+
8 A Zeova koɛɛgã kɩtdame tɩ we-raoogã rigimdidẽ.+
A Zeova kɩtdame tɩ Kadɛɛs+ we-raoogã rigimdidẽ.
9 A Zeova koɛɛgã kɩtdame tɩ walsã rigda, n dogdẽ.
A koɛɛgã kɩtdame tɩ kãgrã tɩɩs vãad sʋʋgdẽ.+
Sẽn be-b yẽ roogẽ wã fãa yetame yaa: “Bɩ Wẽnnaam paam ziiri!”
10 A Zeova zĩi a geerã zug koom sẽn yaa wʋsg zutu.*+
A Zeova zĩi a geerã zug n yaa Rĩm wakat fãa yĩnga.+
11 A Zeova na n kõo a nin-buiidã pãnga.+
A Zeova na n ninga a nin-buiidã bark tɩ b zĩnd ne laafɩ.+