Yɩɩn-sõamyã sebre
Yɩɩlã taoor soab yĩnga. B segd n wẽeme tɩ zems ne Seminiti.* A Davɩɩd yɩɩlle.
12 Zeova, fãag-y maam, bala sɩd soab pa le be ye.
Neb nins d sẽn tõe n teegã menema ninsaalbã sʋka.
3 A Zeova na n wõrsa neb nins fãa sẽn belgd b taabã no-bɩmse,
la a fiuus neb nins sẽn wukd b mens wʋsgã zɩlma.+
4 Yaa neb nins sẽn yete: “Tõnd zɩlmã maasem yĩnga, d na n tõogame.
Tõnd tara d no-bɩmsã n maand d sẽn date.
Ãnda n na n yɩ tõnd soaala?”+
5 A Zeova yeelame: “B sẽn namsd nimbãan-nebã yĩnga,
la naong rãmbã sẽn wẽed sirã yĩnga,+
mam na n yikame n maan bũmbu.
Mam na n fãag-b-la neb nins sẽn paoogd-bã nusẽ.”
6 A Zeova goamã yaa yɩlma.+
B yaa wa wanzuri b sẽn yɩlg tãnd wʋng pʋgẽ, wa wanzuri b sẽn yɩlg naoor a yopoe.
7 Zeova, yãmb na n kogl-b lame.+
Yãmb na n kogla b ned kam fãa zãmaan-kãngã yĩnga, wakat fãa yĩnga.
8 Nin-wẽnsã gilgdame tɩ gɩdgr kae ye.
Bala ãdem-biisã kengda sẽn tʋmd-b tʋʋm-yoodã raoodo.+