A MISE SEBRE
1 A Zeova goma ne Moresɛt rao a Mise,*+ a Zotam+ ne a Akaaz+ la a Ezekɩyaas+ sẽn yaa Zida rĩm-dãmbã+ wakatẽ. Ad vẽnegr a sẽn paam Samari la Zerizalɛm wɛɛngẽ:
2 “Yãmb a buud toɛy-toɛyã fãa neba, kelg-y-yã!
Foom a tẽngã ne bũmb nins sẽn be fo pʋgẽ wã, kelg-y neere.
Bɩ a Zeova sẽn yaa Zu-soab sẽn ka to wã kõ kaset n ning yãmb taale.+
Bɩ a Zeova pa a ro-sõngẽ wã n maan dẽ.
3 Bala ade! A Zeova yita a zĩigẽ wã.
A na n sigame n tag tẽngã zĩ-zãntsã.
4 Tãensã na n yẽnega a naoã tẽngre,+
tɩ londã* me pãr
wa siribd* sẽn be bugum taoore,
la wa koom b sẽn daag tãng sigdgẽ.
A Zakoob yagensã kɩɩsgã yaa bõe?
Pa Samari sɩda?+
Zida zĩ-zãntsã yaa bõe?+
Pa Zerizalɛm sɩda?
6 Mam na n kɩtame tɩ Samari lebg raboog sẽn be weoogẽ,
la zĩig b sẽn tõe n sel viyn tɩɩse.
M na n loba* a kugã longẽ wã,
la m kɩt t’a yẽbgrã puki.
7 B na n wãa a bõn-naandsã b sẽn peesã fãa zõm-zõme.+
B na n yõoga kũun nins fãa a sẽn koos a meng n paamã* bugum.+
Mam na n sãama a bõn-naandsã fãa.
Bala yaa a yoobã yaood n kɩt t’a paam bõn-kãens fãa.
Bõn-kãens na n le yɩɩ pʋg-yoaadb yaoodo.”
Mam na n yãba wa we-baaga,
la m maan sũ-sãang wa naneoongo.
Toogã piuugame n ta mam nin-buiidã rignoorẽ, hal Zerizalɛm.+
10 “Ra togs-y rẽ Gat pʋgẽ ye.
Yãmb pa segd n yãb baa bilf ye.
Bilm-y tomã pʋgẽ Bɛt-afra.*
11 Yãmb a Safɩɩr neba,* loog-y y bɛɛla, la ne yãnde.
Zaanan nebã* pa yi ye.
Wiisg rãamd n na n zĩnd Bɛt-ezɛlle. A pa na n le teel yãmb ye.
12 Bala Marot nebã* ra gũuda sẽn yaa sõma,
la sẽn yaa wẽng n yi a Zeova nengẽ n sig Zerizalɛm rignoorẽ wã.
13 Yãmb a Lakiis+ neba,* rɩk-y saarã* n balg wed-moosã.
Yãmb yɩɩ Siyõ bi-puglã yel-wẽndã sɩngre,
bala b yãa Israyɛll nebã kɩɩsg toor-toorã yãmb sʋka.+
14 Rẽ n so tɩ yãmb na n kõ Moresɛt-gat nebã kũun tɩ y pʋʋs taab wẽnd-na-wat-ne.*
Akziib+ nebã* ra yaa bũmb sẽn belgd Israyɛll rĩm-dãmbã.
15 Yãmb a Maresa+ neba,* mam na n kɩtame tɩ sẽn tõogd-a zabrã* wa yãmb nengẽ.+
Israyɛll ziirã na n taa hal Adulam.+
16 Põng-y y zutã. Wõrs-y y zoobdã y kambã y sẽn nongã yĩnga.
2 “Toog bee ne neb nins sẽn magd mag-wẽnsã,
neb nins sẽn gãe b gãas zut n tagsd n na n maan wẽngã!
Beoogã sã n vẽege, b pidsda b magbã,
bala b tara tõog n na n maan dẽ.+
2 B sã n tʋlg pʋʋgo, b yõkd n deegame.+
B sã n tʋlg roog me, b reegd-a lame.
B maanda zãmb n deeg ned roogo,+
la b maan zãmb n deeg a rogem-pʋɩɩre.
3 Woto wã, ad a Zeova sẽn yeele:
‘Mam segendame n na n kɩt tɩ yel-beed wa bu-kãngã neb zutu.+ Yãmb pa na n tõog n põs-a ye.*+
Yãmb kõn le kẽn ne wuk-m-meng ye.+ Bala yaa yel-beed wakate.+
B na n yetame yaa: “Tõnd sãama zãnga!+
A rɩka tõnd buudã pʋɩɩr n ning neb a taab nusẽ. A sɩd reeg-a lame n bas tõndo!+
A rɩka tõnd pʋtã n kõ sẽn pa maand-b sɩdã.”
5 Rẽ n so tɩ yãmb pa na n paam ned a Zeova nin-buiidã sʋka,
t’a tẽeg wĩ-makdgã n pʋɩ soolmã ye.
6 B moondame n yetẽ yaa: “Bas-y moonegã!
B pa segd n moon n gom bõn-kãensã yell ye.
Tõnd kõn paam paoogr ye!”
7 Yãmb a Zakoob buudã neba, bõe yĩng tɩ b sokdẽ yaa:
“A Zeova pa le maand sũ-mar la?*
Yaa yẽ n maan bõn-kãensã bɩ?”
Mam goamã pa nafd neb nins sẽn kẽnd ne pʋ-peelmã sɩda?
8 Rasmã noorã, mam mengã nebã yik n maana wa mam bɛɛba.
Nebã fãa nifẽ, yãmb tõsgda fan-te-neerã
sẽn kẽnd-b ne bas-m-yam wa b yii zabr n lebgdẽ wã fuugẽ.*
9 Yãmb digda mam nebã pagb n yiisd b ro-neebẽ wã.
Yãmb deegda mam ziirã b kambã nengẽ wakat fãa yĩnga.
10 Yik-y n loog-y-yã, bala ka pa vʋʋsg zĩig ye.
Tʋʋm-dẽgdã yĩnga,+ sãoong bee ka. Yaa sãoong meng-menga.+
11 Ned sã n kẽnd n pʋgd sobg la zãmbo, la a yagd ziri n yetẽ yaa:
“Mam na n moona yãmb n gom divẽ la rã-toos yelle,”
yaa yẽ n na n yɩ bu-kãngã koe-moond bal kɛpɩ!+
12 Yãmb a Zakoob yagense, hakɩɩka, mam na n tigma yãmb fãa.
Mam na n tigma Israyɛll neb nins sẽn ketã.+
Mam na n kɩtame tɩ b naag taab wa piis sẽn be yãgrẽ,
la wa rũm-bõoneg sẽn be b wãbneg zĩigẽ.+
Zĩigã na n pida ne neb bʋʋre.’+
B rĩmã na n deng-b lame n yi,
t’a Zeova be b taoore.”+
3 Mam yeelame: “Yãmb a Zakoob yagensã taoor dãmba,
ne yãmb a Israyɛll buudã taoor dãmba,+ m bõos tɩ y kelge.
Yãmb da pa segd n bãng sẽn yaa tɩrg sɩda?
2 La yãmb kisa sẽn sõmbe,+ la y nong sẽn yaa wẽnga.+
Yãmb sɩɩda mam nebã gãndo, la y tõsd b nemdã n basd b kõabã.+
3 Sẽn paase, yãmb wãbda mam nebã nemdo.+
Yãmb sɩɩd-b lame,
n kaood b kõabã, la y wõrd-b zõm-zõm+
wa bũmb b sẽn dʋg rʋkẽ,* wa nemd sẽn be rʋk pʋgẽ.
4 Wakat kãnga, b na n boola a Zeova n kos sõngre,
la a pa na n leok-b ye.
5 Ad bũmb ning a Zeova sẽn yet no-rɛɛsdb nins sẽn menesd mam nebã,+
sẽn moond-b ‘laafɩ’+ b sẽn wat n dũmd* ne b yẽnã,+
la sẽn yikd zabr ne ned ning sẽn pa ningd bũmb b noyẽ wã:
6 ‘Yãmb na n paama yʋngo+. Vẽnegr pa na n zĩnd ye.+
Lik bal n na n zĩnd yãmb yĩnga. Bag-bʋgend pa na n zĩnd ye.
Wĩntoogã na n kẽe no-rɛɛsdbã yĩnga.
Wĩndgã na n lebga lik b yĩnga.+
Na n yɩɩ tɩlɛ tɩ b fãa lud b no-kõbdã,*
bala Wẽnnaam pa na n leok-b ye.’”
8 La sã n yaa ne maam, a Zeova vʋʋsmã kɩtame tɩ mam pid ne pãnga,
tɩrlem la raoodo,
sẽn na yɩl n wilg a Zakoob yagensã b kɩɩsgã, la Israyɛll nebã b yel-wẽndã.
9 Yãmb a Zakoob yagensã taoor dãmba,
ne yãmb a Israyɛll buudã taoor dãmba,+ m bõos tɩ y kelg bõn-kãngã.
Yãmb kisa tɩrlem, n golemd bũmb ning fãa sẽn yaa tɩrga,+
10 n daagd zɩɩm n met Siyõ, la y tʋmd tʋʋm-wẽns n met Zerizalɛm.+
Baasgo, b teega a Zeova* n yetẽ:
“A Zeova pa be ne tõnd sɩda?+
Yel-beed kõn paam tõnd ye.”+
4 Yaoolem wakatã,
a Zeova roogã tãngã+
na n lugame n yɩɩg tãens a taabã.
A na n zẽkame n yɩɩg kunkubã,
la buud toɛy-toɛyã neb na n kaoog n waa be.+
2 La buud wʋsg na n waame n yeel yaa:
“Wa-y tɩ d rʋ a Zeova tãngã zugu,
a Zakoob Wẽnnaamã roogẽ.+
A na n zãmsa tõnd a soayã,
tɩ tõnd kẽn a so-bugsã zutu.”
Bala tõog* n na n yi Siyõ,
t’a Zeova gomdã yi Zerizalɛm.
B na n dɩka b sʋʋsã n kud wãgse,
la b rɩk b kãnã n kud goeto.+
Buud pa na n zẽk sʋʋg n zab ne buud a to,
la b kõn le zãms zabr me ye.+
4 B ned kam fãa na n zĩi* a viyn tɩɩg tẽngre, la a kankang tẽngre,+
tɩ ned kae n na n kẽes-b rabeem ye.+
Bala yaa a Zeova sẽn yaa tãb-biis naabã n gome.
5 Buud fãa na n kẽna ne a wẽnnaam yʋʋre,
la tõnd na n kẽna ne d Wẽnnaam a Zeova yʋʋr+ wakat sẽn kõn sa yĩnga.
6 A Zeova yeelame yaa: “Baraare,
mam na n tigma sẽn da keoosd-bã
ne sẽn da sãeeg-bã,+
n paas mam sẽn da namsd b rãmbã.
7 Mam na n kɩtame tɩ neb kell sẽn da keoosd-bã sʋka,+
la m kɩt tɩ sẽn da zãag-b wʋsgã lebg buud sẽn tar pãnga.+
Maam a Zeova na n dɩɩ naam b zut Siyõ tãngã zug
masã tɛka, la wakat fãa yĩnga.
8 La sã n yaa ne foom a rũm-bõonegã gasgo,
foom a Siyõ bi-puglã zĩ-zãntgã,+
pipi* naamã na n waa fo nengẽ.+ A sɩd na n waame.
Yaa rĩung ning Zerizalɛm bi-puglã sẽn so wã.+
9 Masã, bõe yĩng tɩ fo zẽk f koɛɛg n kelemdẽ?
10 Foom a Siyõ bi-pugla, tẽb toogã yĩng la f wõos
wa pag sẽn dat n doge,
bala masã fo na n yii galʋ-tẽngẽ wã n tɩ zĩnd weoogẽ wã.
Fo na n kẽnga hal Babilonne.+
Be la b na n fãag foom.+
Be la a Zeova na n lebs n da foom f bɛɛbã nusẽ.+
11 Masã, buud wʋsg na n tigma taab sẽn na yɩl n zab ne foo.
B na n yeelame yaa: ‘Bɩ b paoog-a,
la bɩ tõnd ninã yã bõn-kãngã sẽn paamd Siyõ.’
12 La b pa mi a Zeova tagsa wã ye.
B pa wʋmd a raabã* võor ye.
Bala a na n tigm-b-la wa ka-gĩn b sẽn nan kẽeb n dʋʋg zɛɛgẽ.
13 Foom a Siyõ bi-pugla, yik n pãb koodã.+
Bala mam na n toeema fo yɩɩlã tɩ lebg kutu,
la m toeem fo nao-bendã tɩ lebg zũudu.
Fo na n bedsa buud wʋsgo.+
Fo na n dɩka b zãmb paoongã n kõ a Zeova,
la f rɩk b laogã n kõ dũniyã tõr Zu-soab sɩd-sɩdã.”+
B pãbda Israyɛll bʋ-kaoodã yɛgdgã ne rasaare.+
sẽn yaa bilf wʋsg tɩ b pa tõe n sõd n naag Zida galʋ-tẽnsã,*
mam sẽn na n yãk a soab t’a yɩ Israyɛll taoor soabã na n yii fo pʋgẽ.+
A sɩngrã yaa hal pĩnd wẽndẽ, hal daar zãra.
3 Woto wã, Wẽnnaam na n daag-b lame n base,
n tãag wakat ning pag ning sẽn segd n dogã sẽn na n doge.
Rẽ poore, taoor soabã saam-biis nins sẽn ketã na n lebg n leba Israyɛll buudã sʋka.
4 A na n yikame n kɩɩm a nin-buiidã ne a Zeova pãnga,+
la ne a Wẽnnaam a Zeova yʋʋrã sẽn yaa kãseng n yɩɩdã.
5 A na n kɩtame tɩ laafɩ zĩndi.+
Asiiri nedã sã n kẽ tõnd soolmã n lub tõnd gasd nins sẽn tar pãngã,+
tõnd na n yãka pe-kɩɩmb a yopoe tɩ b zab ne-a, n-ye, rap a nii sẽn yaa nanambse.*
A na n fãaga tõnd Asiiri nedã nugẽ,+
a sã n wa kẽ tõnd tẽngã n tab tõnd soolmã.
7 Buud wʋsg sʋka, a Zakoob yagens nins sẽn ketã na n yɩɩ
wa meenem sẽn yit a Zeova nengẽ,
la wa saag sẽn niid mood zut
sẽn pa teeg ninsaalbã,
la sẽn pa gũud baa fʋɩ ninsaalbã kamb nengẽ wã.
8 Bu-zẽmsã sʋka, buud wʋsg sʋka,
a Zakoob yagens nins sẽn ketã na n yɩɩ
wa gɩgemd sẽn be kãgrã we-rũmsã sʋka,
la wa gɩgem-poll sẽn be piis sʋka.
A pɩʋʋgdame n yõgd rũmsã n tɛt n tõsda,
tɩ ned kae n na n fãag-b ye.
9 Yãmb nugã na n zẽka y zabd-n-taasã zugẽ.
Yãmb bɛɛbã fãa na n sãamame.”
10 A Zeova yeelame: “Baraare,
mam na n menesa yãmb wed-moosã y sʋka, la m sãam y saar-dãmbã.*
11 Mam na n sãama y soolmã tẽnsã,
la m lub y zĩis nins fãa sẽn gũbg lalsã.
12 Mam na n kɩtame tɩ y bas y tɩtã maanego.
Ned sẽn maand tɩt pa na n pa yãmb sʋkã ye.+
13 Mam na n sãama y bõn-naands nins y sẽn peesã ne y ra-lugsã y sʋka.
Yãmb pa na n le wõgemd y nusã tʋʋm taoor ye.+
15 Mam sũ-yikrã la m sũ-puugrã pʋgẽ, mam na n doka m sũur
ne buud nins sẽn pa sak maamã.”
6 M bõos tɩ y kelg bũmb ning a Zeova sẽn yetã.
Yik-y n yals-y tãensã seese, n gom n wilg tɩ y pa tar taal ye.
Bɩ kunkubã wʋm y koɛɛgã.+
2 Yãmb a tãense, yãmb a tẽngã yẽbgr sẽn tar pãnga,+
kelg-y-yã a Zeova sẽn na n kao bʋʋdã to-to wã.
Bala a Zeova tara yell ne a nin-buiidã.
Yaa ne Israyɛll nebã la a na n bʋ.+
3 “Mam neba, bõe la mam maan yãmba?
Bõe la mam maan n kɩt tɩ y ya?+
Bɩ y kõ kaset n ning-m taale.
4 Bala mam yiisa yãmb Ezɩpt soolmẽ wã.+
Mam fãaga yãmb tẽng ning pʋgẽ y sẽn da yaa yembsã.+
Mam tʋma a Moyiiz ne a Aarõ la a Miryam yãmb nengẽ.+
5 Mam neba, m bõos tɩ y tẽeg Mowaab rĩm a Balak sẽn da rat bũmb ningã,+
la a Beoor biig a Balaam sẽn leok-a to-to wã.+
Tẽeg-y bũmb nins sẽn maan Sitim+ n tãag Gilgallã+ yelle,
sẽn na yɩl tɩ y bãng a Zeova tʋʋmã sẽn yaa tɩrsã.”
6 Bõe la m na n tall n wa a Zeova taoore?
Bõe la mam na n tall n wõgemd Wẽnnaam sẽn be yĩngrã taoore?
Mam na n waa a taoor ne maand sẽn yõogd bugum bɩ,
bɩ ne nag-bi sẽn zems yʋʋmde?+
7 A Zeova sũur na n yɩɩ noog ne pe-raad tusa,
wall ne kaam wʋsg sɩda?+
Mam na n dɩka m bi-ribl-kãsengã n kõ m kɩɩsgã yĩng bɩ?
8 Foom a ninsaala, Wẽnnaam wilga foo sẽn yaa sõma.
Bõe la a Zeova rat tɩ fo maane?*
Maag-y y yĩng n kelg rasaarã ne soab ning sẽn yãk-a wã.+
10 Rẽ yĩnga, paoong b sẽn maan wẽnem n paam ket n bee nin-wẽng roogẽ,
12 Tẽngã rakãag-rãmbã tʋmda nen-kɛglem tʋʋm wʋsgo.
A nebã gomda zirẽ-be-goama.+
B zɩlemdã sẽn be b noorẽ wã belgda neba.+
13 “Woto yĩnga, mam na n wẽe yãmb n pogle,+
n sãam yãmb y yel-wẽnã yĩnga.
14 Yãmb na n dɩɩme, la y pa na n tɩg ye.
Yãmb pʋsã na n yɩɩ vɩɩdo.+
Yãmb pa na n tall bũmb nins y sẽn na n yãkã n loog ne bãan ye.
Bũmb ning yãmb sẽn na n tõog n tall n loogã, mam na n deegame n kõ y bɛɛbã.
15 Yãmb na n bʋda bõn-buudu, la y pa na n kẽeb ye.
Yãmb na n wẽka oliiv biisi, la y pa na n tall kaamã n maan bũmb ye.
Yãmb na n maana divẽ-paalga, la y kõn yũ divẽ ye.+
16 Bala yãmb tũuda a Omri noyã la y rɩkd a Akaab+ roogã neb togs-n-taare,
n tũud b saglsã.
Yaa rẽ yĩng la mam sẽn na n kɩt tɩ y lebg bũmb sẽn kẽesd rabeem,
la m kɩt tɩ yãmb tẽngã neb lebg bũmb b sẽn yaandã.*+
Bu-zẽmsã na n paoogda yãmba.”+
7 Toog bee mam zugu!
Mam yaa wa ned sẽn gẽesd viyn biis gĩnd a ye n na n dɩ,
wall sẽn gẽesd kankam-noog a sẽn dat ne a sũur fãa* n pa paamdẽ,
bala b zoe n woba tɩ-bi-moaamã,*
tɩ viyn biisã yiisg wakat me looge.
2 Sɩd soab menema tẽngã zugu.
Nin-tɩrg baa a ye pa be ninsaalbã sʋk ye.+
B fãa wũgame n gũud n na n daag zɩɩm.+
Ned kam fãa bẽta a ba-biig ne gãmbr n na n yõke.
3 B nusã mii wẽng maaneg sõma.+
Nanambsã baooda kũuni.
Bʋ-kaoodbã kota keoore.+
Nin-kãsemsã togsda b sẽn dat bũmb ninsã.*+
B naagda taab n baood b sẽn na n maan bõn-kãens to-to.*
4 B ned ning sẽn yaa sõma n yɩɩdã yaa wa gõose.
B ned ning sẽn yaa tɩrg n yɩɩdã wẽnem yɩɩda gõos yãgre.
Yãmb gũudbã daar sẽn yaa daar ning b sẽn na n sok yãmbã na n taame.+
Masã, rabeem na n yõk-b lame.+
5 Ra teeg f tũud-n-taaga,
wall f kɩs f zoa sɩd ye.+
Gũus ne bũmb nins f sẽn togsd ned ning sẽn gãe fo sɛɛgẽ wã.
6 Bala bi-ribl paoogda a ba,
tɩ bi-pugl zabd ne a ma,+
tɩ pag zabd ne a sɩd-ma.+
Ned zak rãmb n yaa a bɛɛba.+
7 La sã n yaa ne maam, mam na n kell n gũu a Zeova.+
Mam na n maaga m yĩng n gũ Wẽnnaam ning sẽn yaa mam fãagdã.+
Mam Wẽnnaamã na n kelga maam.+
8 M bɛya,* ra kɩdem sũ-noog mam poorẽ ye.
Baa mam sẽn lʋɩ wã, m na n yikame.
Baa mam sẽn be likẽ wã, a Zeova na n yɩɩ mam vẽenem.
9 Mam sẽn maan yel-wẽn n beeg a Zeova wã yĩnga,+
mam na n sak n deega a sũ-puugrã,
n tãag wakat ning a sẽn na n sõng maam bʋʋd zĩigẽ, la a kɩt tɩ b kao mam bʋʋdã tɩrga.
A na n yiisa maam n kẽng vẽenemẽ.
Mam na n yãa a tɩrlmã.
10 Mam bɛyã me na n yãa rẽ.
Yãnd na n yõka sẽn da sokd-a maam tɩ
“fo Wẽnnaam a Zeova bee yɛ?”+ wã.
Mam ninã na n ges-a lame.
Masã, b na n tab-a-la wa bɛgdã sẽn be soayã zutã.
11 Foom a galʋ-tẽnga,* baraare, b na n mee fo kug lalsã.
Baraare, b na n yalga fo soolmã toadgã.
12 Daar-n-kãnga, b na n yii
hal Asiiri la Ezɩpt galʋ-tẽnsẽ wã n wa fo nengẽ.
B na n yii sẽn sɩng Ezɩpt n tɩ tãag Kʋɩlgã* n wa.
B na n yii sẽn sɩng mogr a ye n tɩ tãag mogr a to, la sẽn sɩng tãng a ye n tɩ tãag tãng a to n wa.+
13 Soolmã na n lebga raboog a nin-buiidã yĩnga,
bũmb ning b sẽn maanã yĩnga.*
14 Tall-y y rasaarã n kɩɩm y nebã sẽn yaa piis sẽn yaa y pʋɩɩrã.+
Yaa sẽn da be-b kãgrẽ wã b yembrã, sẽn da be-b tɩ-womdsã sʋkã.
Bɩ b le wãb yamd Basan la Galaad+ wa pĩndã.
15 “Mam na n wilg-b-la bõn-kãsemse,+
wa wakat ning yãmb sẽn yi Ezɩpt soolmẽ wã.
16 Buud toɛy-toɛyã na n yãame tɩ yãnd yõk-ba, baa ne b pãngã fãa.+
B na n dɩka b nus n pĩ b noyã.
B na n lebga wʋmse.
17 B na n lelma tom wa wiisi.+
B na n yii b soondg zĩisẽ wã wa tẽngã bõn-vuudsi, n digda.
B na n waa tõnd Wẽnnaam a Zeova nengẽ ne rabeem.
B na n zoee yãmba.”+
18 Ãnda n yaa Wẽnnaam wa yãmba?
Yãmb kõta kongr sugri, la y basd y nin-buiidã* neb nins sẽn ketã beegr taale.+
A pa na n bas t’a sũurã yik wakat fãa yĩng ye.
Bala a nonga maan-neere.+
19 A na n le zoee tõnd nimbãanega.+ A na n tõoga* tõnd kongrã.
Yãmb na n loba b yel-wẽnã fãa mogrã zĩ-zulumsẽ wã.+
20 Yãmb na n maana sɩd ne a Zakoobe,
la y maan a Abrahaam neer
wa yãmb sẽn pʋlem tõnd yaab-rãmbã hal daar zãrã.+
Yaa Mikayɛll (“Ãnda n yaa wa Wẽnnaam?”) wall Mikaya (“Ãnda n yaa wa a Zeova?”) bool-koɛɛga.
Bɩ, “tẽn-nabã.”
Wõnda yaa bũmb sĩ wã sẽn maand b sɩɩdã yĩnga. A pa zaeed yẽnegr ye.
Ebre, “kiiga.”
Bɩ, “a yoobã yaood fãa.”
Bɩ, “a Afra roogẽ wã.”
Ebre, “pagba.”
Ebre, “pagbã.”
Ebre, “pagbã.”
Ebre, “pagba.”
Yaa bũmb sẽn wõnd sarɛt tɩ wed-moos tatẽ.
Bɩ, “Wẽnd na taase.”
Ebre, “rotã.”
Ebre, “pagba.”
Bɩ, “sẽn zabd n deegd-a wã.”
Ebre wã gom-bilã tõe n makda sɩlg me.
Ebre, “Yãmb pa na n yiis y yubli wã ye.”
Bɩ, “A Zeova vʋʋsmã pa le maand sũ-mar la?”
Bɩ, “yãmb naagda fan-te-neerã ne sẽn kẽnd-b ne bas-m-yam wa b yiib zabr n lebgdẽ wã fuugã n tõsge.”
Bɩ, “rʋk b sẽn tar n segendẽ t’a noorã yaa yaleng pʋgẽ.”
Pa rẽ bɩ, “b sẽn wat n tar bũmb n wãbd.”
Yaa neb sẽn taasd b taab bũmb Wẽnnaam sẽn vẽneg-b tɩ b yã.
Bɩ, “lud b noyã.”
Ebre, “zutã.”
Bɩ, “wanzuri.”
Bɩ, “b yetame tɩ b teega a Zeova.”
Bɩ, “Wẽnd-doogã tãngã.”
Bɩ, “zãmsg.”
Bɩ, “rems yɛl.”
Bɩ, “vɩɩmda.”
Bɩ, “pĩnd.”
Bɩ, “saglgã.”
Ebre, “tusa wã.”
Bɩ, “taoor dãmba.”
Yaa bũmb sẽn wõnd sarɛt tɩ wed-moos tatẽ.
Ges-y gom-biis võor bilgrã zĩigẽ.
Bɩ, “mam sɩɩgã yel-wẽndã yĩng bɩ?”
Bɩ, “lebs-a?”
Bɩ, “yɩ tɩrga.”
Bɩ, “yɩ sõmblem soab la maan-sɩd soab f nonglmã pʋgẽ.”
Ebre, “yãmb.”
Ges-y vẽnegr ning sẽn yaa B14.
Bɩ, “efa makdg sẽn pa ta.”
Yaa bũmb b sẽn dogend balãns zugu, b sã n wa rat n mak bũmb zɩslem.
Ebre, “bũmb b sẽn fɩɩnd a poorẽ wã.”
Bɩ, “a sɩɩgã sẽn dat ne a sũur fãa.”
Bɩ, “tɩ-biis sẽn moogd sɩpaolgã.” Tõe tɩ yaa kankam ne Mak kɛgla.
Bɩ, “b sɩɩsã sẽn dat bũmb ninsã.”
Ebre, “B naagda taab n wʋg rẽ.”
Ebre wã gom-bilã bilgda bɛ sẽn yaa paga.
Tõe tɩ yaa Siyõ bɩ Zerizalɛm yell la b gomda.
Rat n yeel tɩ Efrate.
Ebre, “b tʋʋmã biisã yĩnga.”
Ebre, “pʋɩɩrã.”
Bɩ, “taba.”