A HABAKUK SEBRE
1 Ad koɛɛg no-rɛɛs a Habakuk* sẽn wʋm vẽnegr pʋgẽ:
2 Zeova, hal n tãag wakat bʋg la m na n kelem n bool yãmb tɩ y wa sõng-ma, tɩ y pa kelgdẽ?+
Hal n tãag wakat bʋg la m na n bool yãmb tɩ y wa fãag-m ne nen-kɛglmã tɩ y pa maand bũmbu?*+
3 Bõe yĩng tɩ yãmb bas tɩ m yãt tʋʋm-wẽnse?
Bõe yĩng tɩ y bas tɩ nebã namsd taaba?
Bõe yĩng tɩ sãoong ne nen-kɛglem be m taoore?
La bõe yĩng tɩ no-koɛɛm la zab be zĩig fãa?
4 Ned baa a ye pa le tũud noyã ye.
B pa le kaood bʋʋd tɩrg ye.
Bala nin-wẽnsã tõogda nin-tɩrsã.
Rẽ n kɩt tɩ tɩrlem pa le beẽ ye.+
5 “Maag-y y yĩng n ges bu-zẽmsã sʋka!
Ges-y tɩ y pɛleng yɩke, tɩ kẽes-y rabeem.
Bala bũmb n na n maan yãmb wakatẽ wã,
tɩ baa b sã n togs yãmb bɩ y pa na n tẽ ye.+
B yãmbda dũniyã tẽns wʋsgo,
n deesd zĩis sẽn pa bãmb n so.+
7 B kẽesda ned rabeem, la b sek yɛɛsg me.
B lugunda b mens noy la b naam.*+
B wed-moosã zoetame n watẽ.
B yita zĩig sẽn zãre.
B fõt n wata wa sɩlg sẽn dat n dɩk bũmbu.+
9 B fãa wata nen-kɛglem yĩnga.+
B sã n naag taab n watẽ, yaa wa yaang sobgo.+
B yõgda yembs wa b sẽn kãagd bĩisri.
B pa yɛɛsd tẽng sẽn gũbg lals ye.+
B zamda tãndo, n dʋ n kẽ n soog-a.
12 Zeova, yãmb pa be wakat sẽn kõn sa yĩng sɩda?+
Mam Wẽnnaam sẽn yaa mam Sõng soaba, yãmb pa kiid ye.*+
Bõe yĩng masã tɩ y bas tɩ zãmb dãmbã maand b sẽn date,+
la y sĩnd n getẽ tɩ nin-wẽng tõogd ned sẽn yaa tɩrg n yɩɩd yẽnda?+
14 Bõe yĩng tɩ y kɩt tɩ nebã yaa wa mogrã zĩm,
wa koomẽ bõn-vɩɩs sẽn pa tar taoor soaba?
15 B* yõgda nin-kãens fãa ne lɛooga.
B yõgd-b-la ne b zĩm-gãmbrã,
la b tigsd-b b gãmbrã pʋgẽ.
Rẽ n kɩt tɩ b kɩdemd sũ-noog wʋsgo.+
16 Yaa woto yĩng n kɩt tɩ b kʋʋd maand n kõt b zĩm-gãmbrã.
La b maand maoong* b gãmbrã yĩnga.
Bala gãmbrã n kɩt tɩ b paamd rɩɩb sẽn yaa noogo,*
rɩɩb sẽn yaa sõma.
17 B na n ket n zukda bũmb nins sẽn be b gãmbrẽ wã bɩ?*
B na n ket n kʋʋda nebã n pa zoet b nimbãaneg bɩ?+
Mam na n gũume, n wa bãng a sẽn dat tɩ m togs bũmb ningã,
la m sẽn na n leok to-to, a sã n wa zabd-ma.
2 Dẽ, a Zeova yeela maam yaa:
“Gʋls fo sẽn na n yã bũmb ningã wals zut vẽenega,+
tɩ ned sã n na n zẽk a koɛɛg n karm-a bɩ a tõog n karem nana-nana.*+
3 Bala fo sẽn na n yã bũmb ningã na n pidsa a wakate.
A pidsgã wakat wata tao-tao. A pa na n vaal ye.*
Baa a sã n kaoosdame,* bɩ f kell n gũ-a.*+
Bala a na n pidsame n pa vaal ye.
A na n pidsa a wakatã bal kɛpɩ.
4 Ges wuk-m-meng soaba.
A pa nin-tɩrg ye.
La nin-tɩrg na n vɩɩmda a sẽn maand sɩdã* yĩnga.+
5 Sɩd-sɩda, divẽ* tõe n kɩtame tɩ ned tʋm yalemdo.
Rẽ n kɩt tɩ ned ning sẽn wukd a meng pa na n tõog n pids a raabã ye.
A kɩtame t’a velemdã yaa kãseng wa Yaoogã.*
A yaa wa kũum, n pa tol n tɩgd ye.
A ket n tigimda buud toɛy-toɛyã fãa,
la a tigimd nebã fãa a mengã yĩnga.+
6 B fãa pa na n gomd a yell ne yel-bũndi, ne makr la ne pagd n yaand-a sɩda?+
B na n yeelame yaa:
‘Toog bee ne ned ning sẽn kãagd a sẽn pa so,
la ne ned ning sẽn paasd a sam tɩ lebgd wʋsgo!
Na n kaoosame n ta dabʋre?
7 Fo sam-dãmbã pa na n yik zĩig pʋgẽ sɩda?
B na n yikame n miim foo sõma,
la fo na n lebga bũmb b sẽn na n zɛ.+
8 Fo sẽn zɛ buud wʋsgã yĩnga,
buud a taabã sẽn ketã me na n zɛɛ foom.+
Bala fo raaga neb zɩɩm,
fo sãama soolem toɛy-toɛyã,
n paas galʋ-tẽnsã la neb nins sẽn be b pʋsẽ wã.+
9 Toog bee ne ned ning sẽn maand zãmb a zak rãmb* nafr yĩnga,
sẽn na yɩl n tɩʋ a tʋk hal yĩngri,
yẽ sẽn dat n paam n põs yel-beed yĩnga!
10 Fo sẽn maan sɩlmã kɩtame tɩ fo zakã rãmb* paam yãnde.
Fo sẽn sãam buud wʋsgã yĩnga, fo* maana yel-wẽnde.+
11 Bala kugr n na n pa lalgẽ wã n kelme,
tɩ sug-raoog zĩnd sug-raadã sʋk n leoke.
12 Toog bee ne ned sẽn daagd zɩɩm n met galʋ-tẽnga,
la sẽn tʋmd tʋʋm-wẽns n lugund tẽnga!
13 Ges-y-yã! Buud toɛy-toɛyã sã n tʋmd wʋsg bũmb bugum sẽn na n wa rɩ yĩnga, la b tʋmd wʋsg zaalem yĩnga,+
pa a Zeova sẽn yaa tãb-biis naabã n kɩt tɩ yaa woto sɩda?
15 Toog bee ne ned ning sũur sẽn puug wʋsgo,
t’a kõt a taab rãam tɩ b yũ n dat tɩ b nens yilmi,
t’a paam n ges b yãndã!
16 Fo na n paama paoogre, fo pa na n paam ziir ye.
Fo-me yũ n yees f futã zãng tɩ nebã yã tɩ f pa kẽ bãong ye.*
Wũmblã sẽn be a Zeova nug-rɩtgã na n pɩʋʋga fo taoore.+
La yãnd n na n deeg fo ziirã zĩiga.
17 Bala nen-kɛglem tʋʋm nins sẽn tʋm Libã wã na n luda foo.
Sãoong ning sẽn kẽes we-rũmsã rabeemã na n waa fo zugu.
Bala fo raaga neb zɩɩm,
fo sãama soolem toɛy-toɛyã,
n paas galʋ-tẽnsã la neb nins sẽn be b pʋsẽ wã.+
18 Bõn-naandg b sẽn pees yõod yaa bõe
ne a soab ning sẽn pees-a wã?
Bõn-naandg b sẽn dõog t’a yaa karen-saamb sẽn zãmsd ziri yõod yaa bõe,
baa sẽn maan-a wã sã n teeg-a lame?
A maanda wẽn-faad sẽn pa tõe n gom ye.+
19 Toog bee ne ned ning sẽn yet raoog yaa: “Neke!”
Wall sẽn yet kugr sẽn pa tõe n gomã yaa: “Yik n zãms-do!”
20 La a Zeova bee a ro-sõngã pʋgẽ.+
Bɩ dũniyã nebã fãa sĩnd a taoore!’”+
3 No-rɛɛs a Habakuk pʋʋsgo. Yɩɩnda wa sũ-sãang yɩɩla.*
2 Zeova, mam wʋma bũmb ning b sẽn yet yãmb zugã.
Zeova, yãmb tʋʋmã kẽesda maam rabeem wʋsgo.
Lebs-y n tʋm-y y tʋʋmã tõnd wakatã.*
Maan-y tɩ b bãng y tʋʋmã tõnd wakatã.*
Gudgrã wakate, bɩ y tẽeg n zoe d nimbãanega.+
A ziirã luda saasã,+
tɩ tẽngã pid ne neb sẽn pẽgd-a.
4 A vẽenemã ra yãgda wa wĩntoogã.+
Vẽenem n be a nugẽ wã n yãgda,
zĩig ning a pãngã sẽn da solgã.
6 A yalsame n kɩt tɩ tẽngã miime.+
A gesa bu-zẽmsã tɩ b rigimdi.+
A wãa tãens nins sẽn da sɩng n be hal sẽn kaoosã.
Pĩnd kunkubã yĩgimda tẽnga.+
A tũuda pĩnd wẽndẽ soayã.
7 Mam yãa yel-beed Kuusan fu-rotẽ wã.
Madiyã soolmã fu-rot rigimdame.+
8 Zeova, yaa ne kʋɩlsã la yãmb sũurã kãbd bɩ?
Yãmb sũurã yika ne bãmb la?
Bɩ yaa ne mogrã la yãmb sũurã puug-yã?+
9 Yãmb wõoga y tãp a wʋʋgẽ, la y seglame n sa n na n tão.
Rasabã* na n tʋma b tʋʋmã tɩ zems ne wẽenegã.* (Sela)
Yãmb kɩtame tɩ kʋɩls welg tẽngã.
10 Tãensã sẽn yã yãmbã, b tẽba ne toogo.+
Sa-kãsengã koom zoeeme n pɩʋʋg tẽngã,
la ko-kãsemsã maana bʋʋr wʋsgo,+
tɩ koomã zẽk hal yĩngri.
11 Wĩntoogã ne kiuugã kell n yalsa b zĩisẽ hal yĩngri.+
Yãmb pɛɛmã yii wa vẽenem.+
Y kãndã yãga wa sa-yãgbo.
12 Yãmb kẽname n pasg tẽngã ne sũ-yikri.
Yãmb taba* buud toɛy-toɛyã neb ne sũ-puugri.
13 Yãmb yii y nin-buiidã fãagr yĩnga, n na n fãag y sẽn yãk* a soabã.
Yãmb bedsa nin-wẽngã zakã taoor soaba.*
Yãmb sãama zakã sẽn sɩng a zugẽ wã* n tãag a yẽbgrã. (Sela)
14 Yãmb poo b gãndaadã zut ne b mens zab-teedo,*
wakat ning b sẽn kaoog n wa wa sob-kãseng n na n zab ne maamã.
B ra kɩdemda sũ-noogo, n dat n soos n sãam nimbãan-neda.
15 Yãmb pasga mogrã ne y wed-moosã.
Yãmb pasga ko-kãsengã ko-pɛmã sẽn tar pãngã.
Mam kõabã pãng boogame,+
tɩ m karsã ra rigda.
La m kell n sĩnda sɩɩ n na n gũ sũ-sãangã daare,+
bala a na n waa neb nins sẽn zabd ne tõndã zugu.
17 Baa kankang sã n pa ning puudu,
tɩ viyn tɩɩg me pa wom biisi,
baa oliiv tɩɩg pa wom sõma,
tɩ pʋtã kood me pa wome,
baa rũm-bõoneg sã n pa le be yãgrẽ wã,
tɩ niis pa le be yãgrẽ wã,
18 baasgo, ne maam, mam na n kɩdma sũ-noog a Zeova yĩnga.*
Mam na n maana sũ-noog wʋsg Wẽnnaam sẽn yaa mam fãagdã yĩnga.+
19 Zu-soab sẽn ka to a Zeova n yaa mam pãnga.+
A na n kɩtame tɩ mam naoã yɩ wa yãk nao,
la a kɩt tɩ mam kẽn zĩis sẽn zãntẽ.+
Yɩɩlã taoor soab yĩnga. Yɩɩnda ne mam yʋʋm-teedã sẽn tar rissã.
Tõe n dat n yeelame tɩ “Mobgre.”
Bɩ, “fãagdẽ.”
Bɩ, “waoogre.”
Pa rẽ bɩ, “b pãngã yaa b wẽnnaam.”
Pa rẽ bɩ, “tõnd pa na n ki ye.”
Bɩ, “tɩ b na n kibli.”
Rat n yeel tɩ Kalde nebã sẽn yaa bɛɛbã.
Bɩ, “maoong sẽn nusd bug-zõos.”
Ebre, “kaam sẽn wʋme.”
Pa rẽ bɩ, “ket n wõogda b sʋʋgã bɩ?”
Bɩ, “zĩig b sẽn me tɩ tar pãngã.”
Bɩ, “faag-faaga.”
Ebre, “A pa na n yag ziri ye.”
Bɩ, “baa sã n wõnd a kaoosdame.”
Bɩ, “gũ-a ne f sũur fãa.”
Pa rẽ bɩ, “a tẽebã.”
Bɩ, “rãam.”
Ges-y gom-biis võor bilgrã zĩigẽ.
Bɩ, “buudã.”
Bɩ, “fo buudã.”
Bɩ, “fo sɩɩgã.”
Pa rẽ bɩ, “n lenge.”
Bɩ, “kʋʋr yɩɩla.”
Ebre, “yʋʋmã tẽn-sʋka.”
Ebre, “yʋʋmã tẽn-sʋka.”
Ges-y gom-biis võor bilgrã zĩigẽ.
Yaa bũmb sẽn wõnd sarɛt tɩ wed-moos tatẽ.
Ebre, “tõogre.”
Pa rẽ bɩ, “Pɛɛmã.”
Pa rẽ bɩ, “B togsa buud toɛy-toɛyã wẽenegã.”
Ebre, “pãba (wa b sẽn pãbd ki).”
Ebre, “zae.” Ges-y gom-biis võor bilgrã zĩigẽ.
Ebre, “zugu.”
Ebre, “yublã.”
Ebre, “b raadã.”
Ebre, “tɩ m pʋgã rigi.”
Ebre, “kɩdma sũ-noog a Zeova pʋgẽ.”