Vɩɩnd-y ne sũ-noog wakat sẽn kõn sa tẽng zugu!

B gʋlsa seb-bil kãng n na na n sõng yãmb tɩ y bãng ned ning sẽn maana tẽngã la bũmb fãa sẽn be a zugu. Yãmb na n bãngame tɩ Wẽnnaam sẽn naan tẽngã, tara yʋʋre, la bũmb ning me sẽn kɩt t’a naan ninsaala, la y sẽn tõe n vɩɩnd ne sũ-noog wakat sẽn kõn sa tẽng zug to-to.

Tõnd saagdame tɩ fot rãmb wʋsgã sẽn be a pʋgẽ wã na n sõnga yãmb tɩ y wʋm bõn-kãensa võor sõama. Yãmb sã n dat n dɩ a yõod wʋsgo, y tog n karema Biiblã verse nins b sẽn gʋls fot rãmbã kẽer tẽngr y sẽn ne wã. Woto, yãmb na n bãnga Wẽnnaam kãab sõama kẽer sẽn be Biiblã pʋgẽ wã sẽn yaa a soaba, la y na n bãnga bũmb ning Wẽnnaam sẽn yet tɩ y maan n wa tõog n dɩ nafa nins sẽn na n zĩnd kãabs kãensa pidsgẽ.

Tõe tɩ y na n datame n tall seb-bil kãnga n sõng neb a taab yɛsa. A na n leb n kɩtame yɛsa tɩ y sõng y kambã, tɩ b bãng Wẽnnaam. Yãmb sã n vɩ tẽng ning pʋgẽ kom-kãsems wʋsg sẽn pa mi karengo, y na n tõogame n tũnug ne fot rãmbã n maan tɩ b bãng Wẽnnaam daabo, sẽn na yɩl n tɩ bãmb me wa tõog n sõng b taaba.

Tõnd saagda sɩd-sɩda, tɩ seb-bil kãnga zãmsgã na n wilga yãmb sẽn na n paam bark wʋsg to-to, la y sẽn na n sõng neb a taab me to-to tɩ b bãng bũmb ning sẽn na n sõng-b tɩ b vɩɩnd wakat sẽn kõn sa tẽng zugu.