Bu-welsgã La Tũudmã

Mam sẽn wa Etazĩni yʋʋmd 1978 wã, m da tagsdame tɩ Amerik welga a bu-welsgã yɛl hal sẽn kaoose. M da tagsdame tɩ nin-sablsã ra zema tẽnga neb a taabã,” woto la a Mark Mathabane sẽn yaa seb-gʋlsd sẽn dog Afirik di Siidã yeel bool-n-sʋk pʋgẽ Time zʋrnallã sẽn maane. Ad a sẽn paase: “Yɛl wʋsg pʋsẽ, m mikame tɩ woto yaa sɩda. Etazĩni ra wõnda a lʋɩɩ Afirik di Siid taoor sẽn na ta yʋʋm koabga. Rẽ poore, yɩɩ kaeto m sẽn bãng tɩ yɛl wʋsg pa toeem nebã sũyẽ wã.” Yaa bõe n kɩt t’a yã yel-lingdem a woto?

“Ameriki, sasa nins bu-welsgã sẽn pukd n yɩɩdã a yembr yaa hat yibeoog õnzɛɛre,” woto la a Mathabane yeel-yã. A wilgame tɩ baa egiliizẽ wã, nebã pa rat n lagem buud a taab neb n pʋʋs ye. La bõe la b tagsd ne buud a taabã neb semenã pʋgẽ ra-zaan-dayã?” woto la a sʋk-yã. A sẽn gom zãmsgã yell wala yɛlã toeeng tɩɩmã, a Mathabane yeelame: “Ne zãmsgã, b kɩtdame tɩ f sak tɩ zĩig fãa ãdem-biig yaa wa a to.”

A Zeova Kaset rãmbã sak n deegame tɩ yellã tɩɩm yaa zãmsgã, la sẽn yɩɩd fãa bãmb sagenda nebã tɩ b bao zãmsg ning sẽn tik Wẽnnaam Gomdã zugã. N-yẽe, Biiblã sõngd-b lame tɩ b tõog bu-welsgã yɛla, baa tẽns nins pʋsẽ buud kisgrã sẽn be wa yellã. Semen fãa, b Rĩungã Rotẽ, neb buud la b tẽns sẽn yaa toɛ-toɛ tigimda taab n paamd zãmsg Wẽnnaam Gomdã sẽn yaa Biiblã noyã wɛɛngẽ. B pa reesd ligd tigis-kãens sasa ye. D raoond-y lame tɩ y wa kelge!