‘Sobdã sã n segd tõndo’

A sẽn bilgd yell a Zezi karen-biisã sẽn sɩd vɩɩmde, b sẽn da wa n maood n na n pasg Galile Mogrã ne koom-koglgã, Evãnzill gʋlsd a Mark yeelame tɩ b ra “namsda wʋsgo n dugsd koom koglgã; tɩ bõe, sobg segda bãmba.” A Zezi sẽn da ket n be mogrã noore, a yãa b namsgã, la a kẽna mogrã zug ne yel-solemd n na n bʋʋg-ba. A sẽn wa n kẽ koom koglga pʋgẽ n naag bãmba wã, sobga yõkame.—Mark 6:48-51.

Biibl gʋlsd kãng da reng n yeela vugr tɩ “sob-kãseng yikame.” La a Zezi “lenga sobgã . . . La sobga yõkame, la zĩiga lebga sɩ-dɩ-dɩ-dɩ.”—Mark 4:37-39.

Rũndã-rũndã, baa ne tõnd sẽn pa tar zu-noog n na n maan kaset ne yel-soalem tʋʋm a woto wã, bõn-kãens tõe n zãmsa tõnd yɛl wʋsgo. D sẽn yaa ninsaalb sẽn pa zems zãng sẽn vɩ wakat tood sasa wã, d pa põsd kɩɩsgã sẽn fugd wa sobgã ye. (2 Tɩmote 3:1-5) Sɩda, wakat-wakate, d tõe n tagsame tɩ toogã sẽn lagem ne tõnd mensã makrã yaa kɛgeng wa sob-kãsenga. La yolsg beeme! A Zezi yalgda bool-kãngã: “Bɩ y wa mam nengẽ, yãmb fãa sẽn yɛ la sẽn tʋkd zɩɩb sẽn yaa zɩsgo, la mam na kõ yãmb vʋʋsgo.”—Matɩe 11:28.

Sã n wõnd ‘sobgã segda tõndo,’ d tõe n paama sũur ‘sẽn gãe bãane’ (NW). Wãn-wãna? Yaa d sẽn na n teeg a Zeova Wẽnnaam kãabsã sẽn pa vaandã.—Mak-y ne Ezai 55:9-11; Filip rãmba 4:5-7.