A lebsa nug-​bĩnsã b nus-biyẽ wã

“GES-Y mam nus-bi wã. Yãmb nee bũmb sẽn yaa toor bɩ?” Rao n tẽeg a nug n wilg pag sẽn yaa a Zeova Kaset soaba. A gesa rao wã nugu, n mik t’a kãadmã nug-bĩng ra ka be ye. Rao wã wilgame tɩ yẽ ne a pagã ye pa tõe n zĩnd ne taab ye, woto yĩnga b rɩka sard n na n kao kãadem. “Ayo, ra maan-y woto ye,” woto la Kaset soabã yeel-yã. “Reeg-y seb-kãngã n karem. A na n sõng-y-la y kãadmã pʋgẽ.” Rẽ, pagã kõ-a-la sebr sẽn tik Biiblã zug sẽn yaa Bãngr Sẽn Tar n Debd Vɩɩm Sẽn-Kõn-Saẽ Wã.a

Rasem a wãn poore, rao wã leba Kaset soabã nengẽ ne sũ-noogo. Rao wã wilga saam-bi-poakã a nugã. So-kãngã a ra ninga a kãadmã nug-bĩnga. A yeel-a lame tɩ yẽ ne a pagã karma Bãngr sebrã, la tɩ masã b tara sũ-noog wʋsgo. Sebrã sɩd lebsa nus-bĩnsã nus-biyẽ wã.

Biiblã sagls tõe n sõnga pag ne a sɩd tɩ b tall nonglem hakɩk ne taaba. Yaa woto, bala Biiblã soab pa ned a to n zʋʋg tõnd Naandã sẽn yet woto wã ye: “Mam yaa Zusoaba, yãmb Wẽnnaam. Mam zãmsda yãmb y meng sõngr yĩnga. Mam yãagda yãmb sor ninga yãmb sẽn tog n tũ wã zugu.”—Ezai 48:17.

[Tẽngr note]