B pʋta Wẽnnaam yʋʋrã Afirik tẽn-sʋk tẽnsã pʋsẽ

AFIRIK tẽn-sʋk tẽnsã pʋsẽ, nebã wʋsg sẽn yɩɩd tẽeda Wẽnnaam. B pa sãmbd tɩ bũmb fãa Naand beeme ye. (Wilgri 4:11) La wa neb wʋsg sẽn be zĩis a taaba, naoor wʋsgo, b pa mi a yʋ-peellã sẽn ya a Zeova wã ye.

Afirik tẽn-sʋk tẽnsã pʋsẽ la dũniyã zĩis a taabẽ, nebã gomda Wẽnnaam yʋʋrã yelle, b sã n wa yetẽ tɩ: “Tɩ yãmb yʋʋr yɩ ne waoogre,” sẽn be Soaalã Pʋʋsg pʋgẽ wã. (Matɩe 6:9) La hal sẽn kaoose, pa neb wʋsg n mi yʋ-kãngã ye. La yʋʋmã sẽn tongã pʋgẽ, a Zeova Kaset rãmbã sẽn moon ne yẽesmã toeema nebã tagsg ne Wẽnnaam yʋʋrã boolgo. Rũndã-rũndã, b mii Wẽnnaam yʋʋrã wʋsgo, la b sak-a-la Afirik buud-goam wʋsg pʋgẽ wala Zulu (uJehova), Yoruba (Jehofah), Xhosa (uYehova) la Swahili (Yehova). La Biibl dãmb wʋsg sẽn yɩɩd sẽn be buud gom-kãens pʋsẽ wã ket n pa rat n tũnug ne Wẽnnaam yʋʋrã ye.

Biibl lebgr sẽn yaa sõma sẽn sɩd tar Wẽnnaam yʋʋrã yaa Biibl ning b sẽn lebg ne Zande, sẽn yaa buud-gomd b sẽn gomd Repiblik Sãntrafrikɛn, Sudã la Repiblik Demokratik di Kõngo babs kẽer pʋsẽ wã. Dũniyã bab-kãng pʋgẽ, nebã tũnugda ne Wẽnnaam yʋʋrã, n yetẽ tɩ Yekova b buud-gomdã pʋgẽ. Baa b sẽn boond Wẽnnaam yʋʋrã to-to buud-gomd pʋgẽ, tara yõod tɩ b tũnug ne-a. Bõe yĩnga? Bala “ned ninga fãa sẽn kot ne [a Zeova, NW ] yʋʋre, a na n paama fãagre.”—Rom dãmba 10:13.

[Kart/Foto, seb-neng 32]

(Sebrã meng pʋgẽ la y tõe n yã fãa)

SUDÃ

REPIBLIK SÃNTRAFRIKƐN

REPIBLIK DEMOKRATIK DI KÕNGO

[Kartã soaadbã]

The Complete Encyclopedia of Illustration/J. G. Heck