Sẽn be sebrã pʋgẽ

Sõs-kãngã gomda yʋʋmd 2017 vɛrse wã yelle. A wilgdame tɩ d sã n wa tar zu-loɛɛga, d segd n baoo a Zeova sõngre. Sõsgã pʋgẽ, b gomda pĩnd wẽn-sakdb mak-sõng yelle. B kibayã wilgdame tɩ zu-loɛɛg fãa pʋgẽ, d segd n teega a Zeova, la d maan d sẽn tõe n welg zu-loɛɛgã, la wilgdẽ me tɩ d segd n maanda d taabã neere.

Sõs-kãngã pʋgẽ, d na n yãa d sẽn tõe n maan to-to tɩ d yam-yãkr fãa ta a Zeova yam, tɩ wilgdẽ tɩ d sũur nooma a sẽn naan tõnd tɩ d tõe n yãk d toorẽ yamã. D leb n na n yãame tɩ d segd n sakame tɩ d taabã me tara sor n na n yãk b toorẽ yam.

Sõs-kãensã na n sõng-d lame tɩ d maneg n bãng d sẽn segd n yɩ sik-m-mens rãmbã võore. Pipi sõsgã pʋgẽ, d na n yãa bũmb ning sẽn wilgd tɩ ned yaa sik-m-meng soaba, tɩ yiib-n-soab wilgd bũmb ning sẽn na n sõng-d tɩ d kell n yɩ sik-m-meng rãmba, baa sã n wa yaa toogo.

Zãmaan fãa loogdame t’a to wa. Woto yĩnga, saam-biis nins yʋʋm sẽn vẽsgã sõngda b tẽed-n-taas nins sẽn pa ta bãmbã, tɩ b tõe n wa tʋm a Zeova siglgã tʋʋmã. Sõs-kãngã wilgda b sẽn tõe n naag taab n tʋm to-to.