Sẽn be sebrã pʋgẽ

Yãmb pʋlma a Zeova bũmb bɩ? Yaa bũmb a ye bal bɩ, bɩ taa a yiib wall yɩɩd rẽ? Y tagsdame tɩ y maanda y sẽn tõe tɛk n pidsd y sẽn pʋlm-a wã bɩ? Y sã n dɩka y meng n kõ a Zeova, y pidsda y sẽn pʋlem baraarã bɩ? Y sã n kẽe kãadem, y pidsda y sẽn pʋlem kãadmã daarã bɩ? Sõs-kãnga pʋgẽ, d na n tẽega mak-sõma nins a Zɛfte ne a Ana sẽn kõ wã, tɩ sõng-d fãa sẽn maood n na n pids d sẽn pʋlem a Zeova bũmb ninsã.

D wae n tagsda a Zeova sẽn na n kõ-d bũmb nins arzãna pʋgẽ wã yelle. La sõs-kãngã pʋgẽ, d na n goma a Zeova sẽn na n kɩt tɩ bũmb nins ra le zĩndã yelle. Sẽn na yɩl tɩ laafɩ la sũ-noog zĩnd dũniyã zugu, a Zeova na n kɩtame tɩ yel-bʋs ra le zĩndi? D sã n bãng sokrã leoore, na n kenga d tẽebã, tɩ d nang pãng n tõog toogo.

D sã n wa tagsdẽ tɩ b maan-d-la kɛgre, wall yaa ned d sẽn mi la b maan bũmb tɩ d getẽ tɩ yaa kɛgre, tõe n komsa d tẽebã, la lebg toog tɩ d kell n maan sɩda, la d kell n yɩ sik-m-meng soaba. Sõs-kãensa pʋgẽ, d na n tẽega kibay a tãab sẽn be Biiblã pʋgẽ, tɩ sõng-d tɩ d rɩk a Zeova togs-n-taar tɩrlmã wɛɛngẽ.

Bũmb pa paoog a Zeova ye. La a sẽn ne tɩ tõnd tʋmd ne yẽesem n teend a naam sẽn ka to wã noom-a lame. Bʋ-kaoodb sak a 4 ne a 5 wã sõngda tõnd tɩ d bãng t’a Zeova sũur nooma wʋsgo, a sã n get d sẽn naagd taab ne yamleoog n maand a raabã.