Sẽn be sebrã pʋgẽ

Sõs-kãnga wilgda d sẽn tõe n maan to-to ne d paoongã, n ‘bao zo-rãmb’ saasẽ. (Luk 16:9) Leb n wilgda d sẽn na n maanega, n da kẽes d meng wʋsg ligdã baoob pʋgẽ n lebg ligdã yamba, la d sẽn tõe n maan to-to n tũ a Zeova wa d sẽn tõe fãa.

Bõe la kiris-ned tõe n maan n tõog toog la a paam belsgo, a ned sã n maan kaalem? Yaa a Zeova nengẽ la d paamd belsg n tɩ yɩɩda. A tũnugda ne a Zeezi Kirist, a Gomdã la tigingã n belsd tõndo. Sõs-kãnga wilgda d sẽn tõe n maan to-to n paam belsg d sũ-sãang pʋgẽ, la d sẽn tõe n maan to-to me n bels sũ-sãang rãmbã.

Yɩɩn-sõamyã 147 soabã sagenda tõnd n yɩlemdẽ tɩ d pẽg a Zeova. Bõe n kɩt tɩ yɩɩn-gʋlsdã ra rat ne a sũur fãa tɩ b pẽg Wẽnnaam? Sõs-kãnga leokda sokrã, la a wilgd bũmb nins sẽn kɩt tɩ tõnd me segd n tʋlg ne d sũur fãa n pẽg Wẽnnaamã.

Kom-bɩɩs wʋsg n kẽesd b meng zãng a Zeova tʋʋmdã pʋgẽ. Yãmb me rata ne y sũur fãa n maan wa bãmb bɩ? Sõs-kãnga pʋgẽ, y na n paama sagls sẽn yit Biiblã pʋgẽ, tɩ sõng-y tɩ y bãng y sẽn tõe n yãk yam n wa maane, tɩ y vɩɩmã tall barka, n kõ-y sũ-noogo.