Koeese

◼ Sɛbã kũun tʋʋlg kiuugã: Bãngr Sẽn Tar n Debd Vɩɩm Sẽn-Kõn-Saẽ Wã. B segd n maana modgr zall n sɩng yirẽ Biibl zãmsg ne neba. Tʋʋl-nif la sig-noy kiisã: Gũusg Gasgã la Réveillez-vous! wã periodik rãmba. Zã-y Baood seb-bilã neb nins sẽn wilgd ratmã yĩnga, la y modg n sɩng yirẽ Biibl zãmsg ne neba. Sigr kiuugã: Bõe la Wẽnnaam baood tɩ tõnd maane? Modg-y n sɩng yirẽ Biibl zãmsg ne neba.

◼ Koe-moondb nins sẽn tʋll n sõgen wala sõngr so-pakdb tʋʋl-nif la sig-noy kiisã segd n dɩka segls masã, la b kɩs demand dãmbã pĩnda. Rẽ na n sõnga kẽem dãmbã tɩ b rɩk segls sẽn yaa tɩlaeyã pʋʋgã tʋʋmd yĩng la b bao periodik rãmb la sɛb a taab sẽn na seke. Kiuug fãa, b segd n togsa tigingã neb nins b sẽn sak tɩ b yɩ sõngr so-pakdbã yʋya.

◼ D Rĩungã Ministɛɛr kãngã tara Prêtons attention à la prophétie de Daniel! sebrã zãmsg geelg-n-tʋm zãnga. Tõe tɩ y tʋll n maan fotokopi n ning y mengã sebr pʋgẽ tɩ be yambẽ tɩ y getẽ n segend zãmsgã.

◼ Yel-gɛt taoor soabã bɩ ned a sẽn yãk segd n vaeesa tigingã kõnt dãmb tʋʋlg kiuugã pipi raar bɩ tao-tao rẽ poor bilf bala. B sã n maana rẽ bɩ b togs tigingã, kõnt dãmbã rapoor kareng ning sẽn na n pʋglã poore.

◼ B na n maana Tẽegrã yʋʋmd 2000 wã, tʋʋlg kiuug rasem 19, arba daare. Yãmb tigingã sã n tar tigisg arba raare, b segd n toeem-a lame n ning raar a to semena pʋgẽ, sã n mik tɩ b tõe n paama Rĩungã Roogo. Rẽ sã n ka tõe, tɩ y ka na n tõog n maan tʋʋmdã tigisga, y tõe n paasa a babs nins sẽn sɩd pak yãmb tigingã Tʋʋmd tigisg a to rẽnd pʋgẽ.

◼ B rãmb nins sẽn lagem ne tiging segd n toola Gũusg Gasgã la Réveillez-vous! wã abonema paalsã la b sẽn lebs n maan b rãmbã fãa, b mens rẽ sẽn paase, n tũnug ne tigingã.

◼ Sosiete wã ka reegd koe-​moondb yembr-yembr sɛb komand ye. Yel-gɛt taoor soabã segd n dɩka segls tɩ b moon koɛɛg kiuug fãa sẽn deng tɩ b nan ka tool Sosiete wã tigengã kiuug fãa sɛb komande, sẽn na yɩl tɩ sẽn dat-b n paam b mens sɛb togs saam-biig ning sẽn get sɛbã yelle. D bõos tɩ y tẽeg sɛb nins sẽn yaa komand sẽn yaa zall rẽndã.

◼ B na n maana So-pakrã tʋʋmd Lekoll yʋʋmd 2000, sẽoog kiuugã rasem 17-28 ne farend la moore. Wakat fãa so-pakdbã la bab-sak sul yel-gɛtba fãa segd n maana b geelg-n-tʋm dãmbã tɩ zems ne rẽ.