‘D yals kãn-kãe ne yam a yembre’
1 Zems-n-taarã yaa bũmb a yembr sẽn kɩtd tɩ b bãng tũudum hakɩkã n welge. Ba a Sʋɩtãan yɛl siglgã sẽn ket n tar welgr n paasdẽ wã, a Zeova nin-buiidã ket n lagemda taab sẽn na yɩl n ges Rĩungã mooneg tʋʋmd yell sõma n yɩɩda. Yaa wala no-rɛɛs a Ezai sẽn deng n togs yʋʋm kob-gĩn sẽn loogã: “Yãmb tẽng gũusdba kaasdame. Bãmb zẽkda b koees n lagemd taab n kaasd ne sũ-noogo.”—Ezai 52:8.
2 Modgr b sẽn lagem taab n maan wata ne fɩɩgr n paase: Sẽn sɩng ne yʋʋmd 2000, yʋʋm-vẽkr kiuug 1 daare, bɩ rẽ poor bilf bala, neb sẽn wilgd ratem ne pʋ-peelem tõe n paama sɛbã, la b maan kũun n teel tõnd dũni gill Biibl zãmsg tʋʋmdã, tɩ b sã n tʋll woto. Naong ka na n gɩdg ned t’a ra zãms Wẽnnaam soayã ye. Babs nins ‘tigisg sẽn yaa wʋsgã’ ra rata sɛb wʋsg n yɩɩda. (Mat. 9:37) Sẽn na yɩl n ges tõnd pʋʋgã ratem sẽn lebgd kãseng n yɩɩdã yelle, Siglgã zug Sull rɩka sard tɩ Gãrãnd Bertayn na n lebga “sɛbã baoor filiall” Afirik nin-taoor la a tẽn-sʋk tẽns wʋsg yĩnga. Gom-kãngã võor yaa bõe?
3 Yaa Gãrãnd Bertayn la b na n bĩng Afirik tẽn-kãensã sɛba, n toond-b tigimsã tɩ zemsd ne b sẽn datã. Garãnd Bertayn yaa sɛb maaneg filiall kãseng sẽn tar sɛb bĩngr zĩis tɩ seke, la sẽn tar tʋm-tʋmdb sẽn sek n tõe n ges Afirik filiall kãensã ratem yelle. Gãrãnd Bertayn, bõn-yɩgd-bi la zĩig sẽn yaa maasr wʋsg ka tõe n sãam sɛba nana-nana ye.
4 Yãmb tẽngã filiall n na n ges yãmb tigingã sɛb la periodik rãmb komand sã n zemsame la a tool-a Gãrãnd Bertayn tɩ b ges a yell be. Rẽ poore b rɩkda sɛbã yãmb sẽn kosã n ning batayo pʋgẽ n tool-y-yã, n tũnug ne yãmb filiallã. Rẽ na n sõnga filiall dãmbã tɩ b boog b tʋm-tʋmdbã la sɛb bĩngr zĩis sẽn wat ne ligd-yits wʋsgã sõore.
5 D Rĩungã Ministɛɛr a yembr Afirik nin-taoor la a tẽn-sʋk tẽns yĩnga: A Zeova nin-buiidã yaa neb sẽn “lagem taab sõama n paam tagsgo la yam a yembre.” (1 Kor. 1:10) Masã D Rĩungã Ministɛɛrã yaa Afirik nin-taoor la a tẽn-sʋk tẽns rẽndã b sẽn maneg tɩ zems ne ratem ning d sẽn lagem taab n tarẽ wã. Neb wʋsg sũy yɩɩ noog b sẽn yã Afirik nin-taoor la a tẽn-sʋk tẽns wʋsg koe-mooneg tʋʋmd rapoor dãmb yʋʋmd 2000, bõn-bɩʋʋng kiuugã D Rĩungã Ministɛɛr pʋgẽ pipi wã. Zĩis n be yãmb tigingã sẽn tõe n maan tɩ yɩ sõma n paas bɩ?
6 Tõnd sẽn debd yɛl siglg kãngã baasg zĩigẽ wã sasa, Rĩungã koe-moondb ket n moonda Wẽnnaam koɛɛgã zems-n-taar pʋgẽ. Bɩ d fãa kell n ‘yals kãn-kãe ne yam a yembr n lagemd taab n maood ne tagsg a yembr koe-noogã tẽeb yĩnga.’—Fil. 1:27.