Teokaratik ministɛɛrã lekollã lebg-n-gese
Lebg-n-gese, t’a sasa bɩ b segd n pag sɛb nins b sẽn tũnug ne Teokaratik Ministɛɛr Lekollẽ wã. A tika sõss nins b sẽn maan yʋʋmd 2000, bõn-biʋʋng kiuug rasem a 4 semena n tɩ ta yʋʋm-sar kiuug rasem 18 semena zutu. Rɩk-y seb-vãoog toor n gʋls sʋgsgã leoor nins fãa y sẽn tõe, wakat ning b sẽn kõ wã pʋgẽ.
[Vẽnegre: Lebg-n-gesã wakate, y tõe n tũnuga ne Biiblã bala. Sɛbã b sẽn wilg sʋkr fãa poorã yaa sẽn na yɩl n sõng yãmb tɩ y baoobã yɩ nana yiri. Pa wakat fãa la b wilig Gũusg Gasgã seb-nens la sul nimero rãmb lebg-n-gesã pʋgẽ ye.]
Ning-y Sɩda bɩ Ziri goam nins sẽn pʋgdã poore:
1. A Davɩɩd gɩdga a Abisai t’a ra kʋ a Simei ye, bala a Davɩɩd ra tara taal ne bũmb nins a Simei sẽn dõd-a wã. (2 Sãm. 16:5-13) [Semen fãa Biiblã karengo; ges-y w99 1/5 s.n. 32 s. a 3.]
2. Sũur kaset sẽn yaa yɩlemd la sẽn paam zãmsg ka wat ne zems-n-taar sẽn be yamleoog wʋsg ne Wẽnnaam bal ye, a leb n yaa tɩlae ne tõnd fãagrã. (Heb. 10:22; 1 Pɩɛ. 1:15, 16, NW ) [w98 1/9 s.n. a 4 s. a 4].
3. Kɩbar ning sẽn be 1 Rĩm dãmb pʋgẽ wã ka tar yõod ne kiris-ned n zʋʋg a sẽn togsd kʋdemdã bal ye, bala rĩm dãmb 14 sẽn dɩ naam Israɛll la Zida a Salomo kũumã poorã sʋka, bãmb b 2 bal n tõog n maan sẽn yaa tɩrg a Zeova nifẽ. [si s.n. 64 s. a 1]
4. B tõe n maka a Zezi Yʋʋm tusr naamã rɩɩb ne a Salomo yʋʋm 40 naamã rɩɩb sẽn tall bãan la arzɛka. (1 Rĩm 5:4, 5, 94:24, 25, 29 in NW) [Semen fãa Biiblã karengo; ges-y w90 1/6 s.n. a 6 s. a 5.]
5. B sẽn mum a Abiza ne manesem sẽn zemsã yaa kaset sẽn wilgd t’a ra ya a Zeroboam doogã ned ning bal sẽn yɩ a Zeova balemd sẽn tar kɩs-sɩda. (1 Rĩm 14:10, 13) [Semen fãa Biiblã karengo; ges-y w95 1/4 s.n. 12 s. 11.]
6. Ned sã n deeg kiris-neb lisgã, wilgdame t’a lebga Wẽnnaam sõgen sẽn bɩ. [w98 1/10 s.n. 28 s. a 2]
7. A Zeova kõo a Eli raood sẽn yɩɩd ninsaal dẽnda, la a kogl-a tɩ rabeem ka tõe n yõk-a ye. (1 Rĩm 18:17, 18, 21, 40, 46) [Semen fãa Biiblã karengo; ges-y w98 1/1 s.n. 31 s. a 2.]
8. A Salomo wẽn-doogã sẽn da yaa kãseng wʋsgã, ka a ziirã la teedã sẽn da be a pʋgẽ wã rasãnd yĩng bal ye, la ya a sẽn da reng n makd a Zeova tẽeb wẽn-doogã sẽn tar ziir sẽn yaa kãseng n yɩɩd zĩig sẽn zãrã yĩnga. [si s.n. 69 s. 26]
9. Yaa vẽeneg t’a Eliize sẽn kõ noor tɩ zõnd ning paam Siiri sodaasã ra yaa zõnd yam-tagsgã wɛɛngẽ, bala b ra tõe n yã a Eliize la b ra ka tõe n bãng tɩ ra yaa yẽ ye. (2 Rĩm 6:18, 19) [Semen fãa Biiblã karengo; ges-y si s.n. 71 s. 10.]
10. “Kaset teedã” ningr yell b sẽn gom 2 Rĩm dãmb 11:12 pʋgẽ wã ra yaa makr bũmbu, sẽn wilgd tɩ võor ning rĩma sẽn na n kõ Wẽnnaam Tõogã la võorã meng-menga, tɩ b segd n sak-a. [Semen fãa Biiblã karengo; ges-y w91 1/2 s.n. 31 s. a 6.]
Leok-y sʋgsg nins sẽn pʋgdã:
11. Sẽn zems ne 1 Zã 2:15-17 wã, bõe la roagdb sẽn yaa wẽn-zoɛtb segd n sagl b kambã tɩ b gili, b sã n wa sõngd-b tɩ b yãk nug-tʋʋmd sẽn zemsã? [w98 15/7 s.n. a 5 s. a 2]
12. B sẽn yeel 2 Sãmwɛll 18:8 (NW ) pʋgẽ tɩ “kãgrã sẽn dɩ neb yɩɩda sʋʋg sẽn dɩ nebã” rat n yeelame tɩ bõe? [Semen fãa Biiblã karengo; ges-y w87 15/3 s.n. 31 s. a 2.]
13. Rũndã-rũndã ãnd rãmb la b tõe n dɩk n mak ne a Goliat roagdbã, sẽn yaa Refayim dãmbã, la bõe la b modgd n dat n maane? (2 Sãm. 21:15-22) [Semen fãa Biiblã karengo; ges-y w89 1/1 s.n. 20 s. a 8.]
14. Bõe zãmsg sẽn tik Biiblã zugu, la sẽn be nafr la 2 Sãmwɛll 6:6, 7 (NW ) kõt-do? [si s.n. 64 s. 30]
15. Bõe zãmsg sẽn tar yõod wʋsg la d tõe n paame, yell ning sẽn tɩ loe ne rao wã b sẽn kʋ, a sẽn kɩɩs Vʋʋsg daarã yĩngã pʋgẽ? (Sõd. 15:35) [w98 1/9 s.n. 20 s. a 2]
16. Tõnd sã n maan bõe la d tõe n dɩk togs-n-taar ne Seba rĩm-poakã sẽn yi zĩ-zãrgẽ n wa n na n kelg a “Salomo yama”? (1 Rĩm 10:1-9) [Semen fãa Biiblã karengo; ges-y w99 1/7 s.n. 31 s. a 1-2.]
17. Sã n yaa ne 1 Rĩm dãmba 17:3, 4, 7-9, 17-24, ne manesem a tãab bʋs la a Eli wilg a tẽeb ne a Zeova? [Semen fãa Biiblã karengo; ges-y w92 1/4 s.n. 19 s. a 5.]
18. Bõe yĩng t’a Nabot sẽn zãgs t’a kõn kõ a Akaab a vɩyn pʋʋgã pa bũmb sẽn wilgd t’a yaa ned sẽn ka wʋmd tʋbr bala? (1 Rĩm 21:2, 3) [Semen fãa Biiblã karengo; ges-y w97 1/8 s.n. 13 s. 18.]
19. Wãn to la goam nins sẽn be 2 Rĩm dãmb 6:16 sõng n daool a Zeova sõgen dãmb rũndã-rũndã? [Semen fãa Biiblã karengo; ges-y w98 15/6 s.n. 18 s. a 5.]
20. Ne manesem bʋs la kiris-neb hakɩkã segd n lak b mens ne tũudum pʋgẽ zu-noog raab bɩ a koosgo? [w98 15/11 s.n. 28 s. a 5]
Bao-y gom-biig wall gom-biis sẽn yaa tɩlae wã n lok goam nins sẽn pʋgdã:
21. Kiris-ned hakɩk ka tog n ____________________ n wa kẽes a meng rog-n-mik yɛl ____________________ sẽn kis pʋsẽ ye. (Yel. 29:25; Mat. 10:28) [w98 15/7 s.n. 20 s. a 5]
22. A Poll sẽn da wa n kõt kaset Rĩm a Agripa taoorã a goma ne ___________________, n gom n tadg yɛl yẽ ne a Agripa _____________________ zutu. (Tʋʋ. 26:2, 3, 26, 27) [w98 1/9 s.n. 31 s. a 3]
23. ____________________ Wẽnnaamã kɩtame tɩ neb kẽer tagsdẽ t’a ka ned sẽn sɩd be ye, la ned sã n _________________ sõma n ka vaandẽ, na n kɩtame t’a tõog n ‘yã neba nin sẽn ka tõe n yã a soabã.’ (Heb. 11:27) [w98 15/9 s.n. 21 s. a 3-4]
24. Wala d sẽn yã sẽn yɩ to-to ne Siiri sodaas naab __________________________________ wã, wakat ninga _______________________________________ bilf bal tõe n waa ne nafa wʋsgo. [Semen fãa Biiblã karengo; ges-y w99 1/2 s.n. a 3 s. a 6–s.n. a 4 s. a 1.]
25. Wala a Zonadaab sũurã sẽn da be ne Rĩm a Zehu to-to wã, rũndã-rũndã, ne b sũur fãa _________________________ sakdame la b lagemd n tʋmd ne Zehu Kãsengã sẽn ya ______________________ sẽn tʋmd a yʋʋr yĩng tẽngã zugã. (2 Rĩm 10:15, 16) [Semen fãa Biiblã karengo; ges-y w98 1/1 s.n. 13 s. a 5-6.]
Yãk-y leoor nins sẽn zemsã, goam nins sẽn pʋgdã pʋsẽ:
26. Ra ya (a Sʋɩtãana; a Zeova; a Zoaab) n tus a Davɩɩd t’a beege, n ‘sõd Israɛll nebã.’ (2 Sãm. 24:1, NW ) [Semen fãa Biiblã karengo; ges-y w92 15/7 s.n. a 5 s. a 2.]
27. Sẽn zems ne 1 Rĩm dãmba 8:1 la Koɛɛg Soaba 1:1 wã, a Salomo tigma nin-buiidã tɩ b (me wẽn-doogã; rig Israɛll bɛɛbã; balem a Zeova). [Semen fãa Biiblã karengo; ges-y si s.n. 112 s. a 3.]
28. B tõe n maka yʋʋm 20 wã a Salomo sẽn dɩk n me wẽn-doogã la a me a zakã Zerizalɛmã ne zãmsgã remsg la yɛlã siglg remsg wakat sẽn sɩng yʋʋmd (1919; 1923; 1931), n baas yʋʋmd (1938; 1942; 1950) wã. (1 Rĩm 9:10) [Semen fãa Biiblã karengo; ges-y w92 1/3 s.n. 20 zĩ-gũbrã.]
29. Gom-bil ning sẽn yaa ‘yĩngrã’ b sẽn tũnug ne 2 Rĩm dãmb 2:11 wã gomda (Wẽnnaam sẽn beẽ zĩig ning nif sẽn ka ne wã; ãndũniyã nif sẽn ne wã; saagã sẽn gũbg tẽngã, zĩig ning liuuli sẽn yɩgd la sobg sẽn fugdẽ wã) yelle. [Semen fãa Biiblã karengo; ges-y w97 15/9 s.n. 15 zĩ-gũbrã.]
30. Yɩɩ (Herood Kãsengã; Sezaar Ogust; Sezaar Tɩbɛɛr) n kõ noor tɩ b maan nebã sõadgã, tɩ rẽ wa baas ne a Zezi rog Betleɛmã, la pa Nazarɛtã. [w98 15/12 s.n. a 7 zĩ-gũbrã]
Lagm-y verse nins sẽn pʋgdã ne goam nins sẽn be tẽngrã tɩ zemse: Yɩɩl 15:4; 2 Sãm. 12:28; 2 Sãm. 15:18-22; 2 Rĩm 3:11; Kol. 3:13, NW
31. B segd n waooga zu-sobend ning sẽn be a Zeova teokaratik seglsã pʋsẽ wã. [si s.n. 64 s. 30]
32. B toga wakat fãa n tall kɩs-sɩd ne a Zeova siglgã la ne neb nins sẽn tʋmd a yʋʋr yĩngã. [si s.n. 64 s. 30]
33. Mi-beoog tallg a Zeova ninbãan-zoeerã yĩng tõe n tusa tõnd tɩ d tõog d mens la d lud neb pãn-komslem. [w98 1/11 s.n. a 6 s. a 3]
34. Yaa zu-noog yell tɩ d maan a Zeova sõgen dãmb nins sẽn tar kɩs-sɩdã n be sõgeneg sẽn yaa zall pʋgẽ wã sãando, la d sõgen-b ne sik-m-menga. [Semen fãa Biiblã karengo; ges-y w97 1/11 s.n. 31 s. a 1.]
35. Wẽn-zoɛt maanda a sẽn tõe fãa n pids a pʋleng n yao a sama, baa yel-lingdem sã n kɩt tɩ yaa toog n yɩɩd a sẽn da reng n tags tɩ yɛlã ra na n yɩɩ to-to wã. [w98 15/11 s.n. 27 s. a 1]