Koeese
◼ Sɛbã kũun wao-fugdg kiuugã: La vie: Comment est-elle apparue ? Évolution ou création ?, La Révélation : le grand dénouement est proche !, bɩ seb-kʋdr buud fãa sẽn tar seb-nens 192 tigingã sẽn tara. Tʋʋlg kiuugã: Bãngr Sẽn Tar n Debd Vɩɩm Sẽn-Kõn-Saẽ Wã. D na n modga wʋsg n sɩng yirẽ Biibl zãmsg ne neba. Tʋʋl-nif la sig-noy kiisã: Gũusg Gasgã la Réveillez-vous! wã periodik rãmba. Ned sã n wilg nonglem ne sɩdã lebg-n-tɩ-gesã wakat fãa, kãab-y Bãngr sebrã bɩ Baood seb-bilã, sẽn na yɩl n tõog n sɩng yirẽ Biibl zãmsgo.
◼ Yʋʋmd 2001, wao-fugdg kiuugã tɛka, Repiblik Sãntrafirikɛn la Tsaad me na n naaga Afirik Nin-taaor la a Tẽn-sʋk D Rĩungã Ministɛɛr pʋgẽ.
◼ Yel-gɛt taoor soabã bɩ ned a sẽn yãk segd n vaeesa tigingã ligd gɛɛla tʋʋlg kiuugã pipi raare, bɩ tao-tao rẽ poor bilf bala. Rẽ maaneg poor bɩ b togs tigingã ligda gɛɛlã rapoor kareng poore.
◼ Sekertɛɛrã ne tʋʋmdã yel-gɛt segd n gesa wakat fãa so-pakdbã fãa tʋʋmde. Kẽem dãmbã segd n dɩka segls n sõng sẽn yaa toog ne b rãmb nins fãa tɩ b paam b lɛɛr dãmbã. Lebg-y n ges Sosiete wã yʋʋmd-yʋʋmd lɛtã (S-201) a sẽn toond zĩ-likr kiuug 1 daarã n paam saglse. Ges-y yʋʋmd 1986, sa-sik kiuugã D Rĩungã Ministɛɛrã seb-paasdem, sull 12-20 me, sã n mik tɩ ra bee yãmb wakat kãng D Rĩungã Ministɛɛrã pʋgẽ.
◼ Sekertɛɛrã segd n gesame tɩ Babg pʋgẽ meeb yell gesg sullã (bɩ Rĩung Rotã meeb biru sẽn be fililallẽ wã, sẽn yaa woto tẽns nins pʋsẽ wã) paam kɩbay sẽn zemse, koe-moondb nins fãa sẽn deeg lisgu, la sẽn pids Rĩung Rot yamleoog tʋm-tʋmdbã sʋgsg sebrã (S-82) (bɩ Rĩung Rot meeb yamleoog tʋm-tʋmd kos-n-kẽ sebrã (A-25)) wɛɛngẽ. Yamleoog tʋm-tʋmd yɛl sã n toeeme b segd n pidsa seb-paal n tool tao-tao. Yaa wala a sẽn na n toeem zĩiga, bɩ a sã n lebg ministɛɛr sõgen bɩ kẽem soaba. Yamleoog tʋm-tʋmd adɛrs bɩ a telefõn sã n toeeme, bɩ a sã n pa le kõt mak-sõng tigingã pʋgẽ, kẽem dãmbã segd n gʋlsa Babg pʋgẽ meeb yell gesg sullã (bɩ Rĩung Rotã meeb biru sẽn be fililallẽ wã) n togs-b rẽ tao-tao.
◼ Koe-moondbã sã n wa moond mooneg zĩig b sẽn pa kõ tiginga, b tõe n kãaba Bãngr sebrã bɩ Baood seb-bila. Nedã sã n zoe n tara seb-kãensã, b tõe n kãaba sebr a to. Koe-moondba fãa segd n zɩɩ seb-vãad toɛ-toɛy sẽn ka-b yirã bɩ sẽn ka reeg-b sɛbã yĩnga. B segd n modgame n ges tɩ neb nins sẽn nong sɩdã paam sõngre. Sẽn yɩɩd fãa, sã n mik tɩ zall so-pakdb bɩ tigims sẽn pẽ zĩ-kãng neb tõe n wa moona be.
◼ Koe-moondb sõor sẽn sãd paals la b paam Kamerun la Gãmbi zĩ-likr kiuugã. Kamerun koe-moondbã sõor ki-kãng yɩ 27 576 tɩ Gãmbi ra yaa koe-moondb 147.
◼ Seb-paal b sẽn tõe n paame:
La prophétie d’Isaie, lumière pour tous les humains —Araabe
Les Témoins de Jéhovah: qui sont-ils? —Portigɛ
Ce que Dieu attend de nous —Sãngo
◼ Kasɛt kɛlgdg paalg b sẽn tõe n paame:
Apprécions la valeur de notre héritage spirituel (dram, kasɛt yɛnga) —Ɛspayõll