Koeese
◼ Sɛb nins d sẽn na n kãab yʋʋm-vẽkr kiuugã: Comment assurer votre survie et hériter d’une nouvelle terre ?, Le bonheur : Comment le trouver ?; “ Que ton Royaume vienne ! ” Neba sã n zoe n tar seb-kãensã, y tõe n kãaba seb-kʋdr a to. Wao-fugdg kiuugã: La vie : Comment est- elle apparue ? Évolution ou création ?, La Révélation : le grand dénouement est proche !, bɩ seb-kʋdr buud fãa sẽn tar seb-nens 192 tigingã sẽn tara. Tʋʋlg kiuugã: Bãngr Sẽn Tar n Debd Vɩɩm Sẽn-Kõn-Saẽ Wã. D na n modga sõma n sɩng yirẽ Biibl zãmsg ne neba. Tʋʋl-nif kiuugã: Gũusg Gasgã la Réveillez-vous ! wã zʋrno rãmb kãabgo. Kãab-y Baood seb-bilã, ne bõn-datl sẽn yaa sɩng yirẽ Biibl zãmsg ne neba.
◼ Koe-moondb nins fãa sẽn deeg lisgã sẽn na n zĩnd Tʋʋmdã tigisgẽ wao-fugdg kiuug rasem a 4 semena tõe n paama Instructions médicales/Pas de sang wã kart rãmbã la Carte d’identité rãmbã b kambã yĩnga.
◼ Sẽn sɩngd ne wao-fugdg kiuugã la tʋʋlg kiuugã rasem a 3 sʋka, tigims gĩn yel-gɛtbã na n sɩnga zãma sõs-paalg kũuni. A gom-zugã yaa “D sẽn tõe n paam bãan dũni wẽngã pʋgẽ to-to.”
◼ Rõandã, tigimsã segd n maana segls sẽn zems n maan Tẽegrã lamusã, tʋʋlg kiuug rasem 28, wĩndgã kõom poore. Baa ne b sẽn tõe n deng n sɩng sõasgã pĩndã, Tẽegrã divẽ wã ne burã pa segd n pɩʋʋg tɩ pa wĩndgã kõom poor ye. Bao-y n bãng wĩndgã sẽn lʋɩt wakat ning yãmb tẽngẽ wã. Baa ne sẽn yaa sõma tɩ tiging fãa maan a meng Tẽegrã, tõe tɩ ka wakat fãa la rẽ tõe ye. Zĩis nins tigims wʋsg sẽn tũnugd ne Rĩung Roog a ye wã, tõe tɩ tiging a ye bɩ sẽn yɩɩd woto tõe n baoo zĩig a to zaab-kãnga. Zĩig ning sẽn tõeyã, yaa sõma tɩ wakat ning sẽn welgd tigissã ne taabã ta minit 40 bɩ yɩɩg woto tɩ neba fãa tõog n dɩ segbã nafa tɩ pidi, n paam sẽk n pʋʋs sẽn wa-bã, la b keng b rãmb nins sẽn wilg nonglem ne sɩdã paalmã pelse. B segd n gũus n gesa nebã kẽnd la b bõn-zombdɩ wã gaarg yelle, nebã sikr la b rɩkr sẽn paase. Kãsem dãmbã sull segd n dɩka sard n ges segls nins sẽn na n yɩ sõma n yɩɩd bãmb zĩigẽ wã.
◼ D kot-y lame, tɩ D Vaees Gʋlsgã Daar Fãa—2002 wã sã n nan ka wa, bɩ y karemd yʋʋmd 2001 wã rẽnda. Wala makre, talaatã, yʋʋmd 2002 yʋʋm-vẽkr kiuug 1 daarã, y tõe n karma yʋʋmd 2001 yʋʋm-vẽkr kiuug 1 daar tẽnẽ wã raar verse, la y kell n maand woto n debda.