Wẽnnaam tʋʋmdã kɩbaya

◼ Benẽ: Yʋʋmd 2002, yʋʋm-vẽkr kiuugã pʋgẽ, sõor sẽn sãd paals a yoob la b paam-yã, tɩ sõor sẽn sãd paalg sẽn yaa koe-moondb 6 676 be sʋka. B sã n mak ne yʋʋmd 2001 yʋʋm-vẽkr kiuugã, fɩɩgr n zĩnd koe-moonegã nens a yopoe pʋgẽ. Yʋʋm-vẽkr kiuugã pʋgẽ, Neb 55 koabg zug Samiota Tigingã koe-moondb 31 wã sʋk n da be so-pakrã tʋʋmd pʋgẽ. B sã n pʋɩ tɩ zemse, koe-moondb nins sẽn da ka be so-pakrã pʋgẽ ki-kãngã wã ned fãa moona lɛɛr 20.

◼ Burkĩna Faso: Rĩung Roog sẽn tar dasãnd la b me yʋʋmd 2002 yʋʋm-vẽkr kiuugã n kõ Bobo Diulaso bãmbara tigingã koe-moondb 42. Neb 223 wã sẽn wa pakrẽ wã pʋɩ-sʋk la bal ra yaa neb sẽn dat n bãng sɩdã n paase. Yags wilgame tɩ b sẽn yã roogã sẽn yaa neerã, kõ-b-la sũ-noogo. Saam-biis la saam-bi-pogs nins sẽn zĩnd be baraarã yeelame tɩ wõnda b ra bee arzãna pʋgẽ.

◼ Senegalle: Yɩɩ ne sũ-noog la saam-biisã wilg tɩ b paama koe-moondb sõor sẽn sãd paalga, sẽn yaa 918. Tãmbakunda tigingã koe-moondb 10 paamame tɩ neb 84 wa b Rĩungã Roog pakrẽ yʋʋmd 2002 yʋʋm-vẽkr kiuugã rasem 27.

◼ Togo: Wao-fugdg kiuugã yaoolem wɩkɛne, Lome babgã kãsem dãmb 374 la kãsemb sõngdb 713 n maan Rĩungã tʋʋmd lekolle.