Wẽnnaam tʋʋmdã kɩbaya

◼ Benẽ: Sa-sik kiuugã neb 6 901 n wilg tɩ b mooname, tɩ rẽ yaa koe-moondb sõor sẽn sãd sẽn pʋg taab a 8 soaba. Woto me yaa fɩɩgr 5 koabg zugu, b sã n mak ne rɩẽ sõor sẽn pʋɩ tɩ zemsã. Neb nins sẽn deeg lisgã yʋʋmd 2002 wã tʋʋmd yʋʋmdã sasa sõor yɩɩ 480, tɩ rẽ yaa fɩɩgr 20 koabg zugu, b sã n mak-a ne yʋʋmd 2001 tʋʋmd yʋʋmdã. Gouka tigingã koe-moondb 65 wã sũur yɩɩ noogo, b sẽn deeg neb 235 b Rĩung Ro-paalgã pakrẽ wã.

◼ Burkĩna Faso: Yaa sõma tɩ d bãng tɩ sa-sik kiuugã, sõor sẽn sãd b sẽn zɩ n paam pĩnd la b paam-yã, sẽn yaa koe-moondb 1036.

◼ Gabõ: Koe-moondb 2 254 sẽn wilg tɩ b moona sa-sik kiuugã yaa fɩɩgr 7 koabg zugu, b sã n mak ne rɩẽ sõor sẽn pʋɩ tɩ zemsã.

◼ Gine Ekwatoriall: Koe-moondbã sõor zãng sẽn da yaa 871 sa-sik kiuugã yaa fɩɩgr 21 koabg zugu, b sã n mak ne rɩẽ sõor sẽn pʋɩ tɩ zemsã. Wakat fãa so-pakdb 104 la b paam-yã, tɩ yaa sõor b sẽn zɩ n paam pĩnda.

◼ Kamerun: B paama sõor sẽn sãd paalg sẽn yaa koe-moondb 28 747*, tɩ rẽ yaa fɩɩgr 1 koabg zugu, tʋʋmdã yʋʋmdã pʋgẽ.

◼ Senegall: Koe-moondb sõor sẽn sãd paalg sẽn yaa 979 n wilg tɩ b moona sa-sik kiuugã.

◼ Togo: Rĩung Rot a naas la b pags sa-sik kiuugã. Rĩung Rot nins b sẽn pags Aneho Adjido la Sotouboua wã yaa rot b sẽn tõe n yalg tɩ b maan tigims gĩnd la daar a yembr tigis-kãsems b pʋsẽ. Rĩung Rot a taabã b sẽn pagsã yɩɩ Attitogon la Ahadji, Lome pʋgẽ. Neb 1 729 n wa n kelg sõssã, n wilg b naneb la b sũ-noog wʋsgo.

[Footnote]

Koe-moondb 29 600 sẽn be Sa-sik koe-moonegã tʋʋmd kɩbay zĩ-gũbr pʋgẽ wã paasda tigims 70 mooneg tʋʋmd kɩbaya, tʋʋmd yʋʋmdã kiis kẽer yĩnga, sẽn wa retaare.