Wẽnnaam tʋʋmdã lekoll lebg-n-gese
B na n soka kɛlgdbã sogsg nins sẽn pʋgdã Wẽnnaam Tʋʋmdã Lekollẽ yʋʋmd 2003, sa-sik kiuug rasem 25 semenã. Lekollã yel-gɛt na n maana minit 30 lebg-n-gese, sẽn tik sõss nins b sẽn kõ lekollã wakat yʋʋmd 2003, sẽoog kiuug rasem a 7 semenã n tɩ ta sa-sik kiuug rasem 25 semenã pʋgẽ wã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕASG MINIM
1. Koe-moonegã wakate, d sã n gomd ne nebã la d get-ba, rẽ nafa la bʋse? [be s.n. 124 s. a 4–s.n. 125 s. a 1; s.n. 125 zĩ-gũbrã]
2. Yãmb sã n wa rat n sɩng koe-moonegã tɩ rabeem tar-yã, bõe n tõe n sõng-yã? [be s.n. 128 s. a 4-5]
3. Yãmb sã n wa be tigingã taoor n gomda, bõe n tõe n sõng-y tɩ y gom wala y sẽn sõsd ne nebã to-to raasenkamã. [be s.n. 129 s. a 2; s.n. 129 wã zĩ-gũbri]
4. Noy nins sẽn be Maankʋʋr 16:4, 24, 26, 28; Zã 13:10; la Wilgri 19:8 pʋgẽ wã segd n kɩtame tɩ d mengã yalẽ yɩ wãn-wãna, la bõe yĩng tɩ tar yõodo? [be s.n. 131 s. a 3; s.n. 131 zĩ-gũbrã]
5. Bilg-y sik-m-meng la “gũus-m-meng” soab sẽn yaa ned ning buudu. (1 Tɩm. 2:9, 10) [be s.n. 132 s. a 1]
SÕASG No a 1
6. Baa ne kiris-nebã sẽn segd n tall sũ-mar ne taabã, baasgo bõe la b ka sakd tɩ maan bãmb sʋka? (Kol. 3:13) [w01 15/7 s.n. 22 s. a 7-8]
7. Sɩda, bɩ Ziri: F sã n yeel tɩ bũmb yaa pipi, yiib-n-soaba, bɩ tãab-n-soab bõn-yood toɛy-toɛy sʋka, rẽ la b sẽn boond tɩ bũmbã sõorã zãnga. Wilg-y y leokrã võore. [si s.n. 282 s. 24-5]
8. Yam-sõng sẽn tɩ yɩɩd bʋg n segd n kɩt tɩ d karemd Wẽnnaam Gomdã, la bõe yĩng tɩ tar yõod wʋsg tɩ d tall yam-kãng buudu? [be s.n. 24 s. a 1]
9. Wãn-wãn la yam soab ‘bĩngd bãngre’? (Yel. 10:14) [w01 15/7 s.n. 27 s. a 4-5]
10. Bõe yĩng tɩ tar yõod wʋsg tɩ d tags a Zoob sẽn da minim n maand bõn-sõma wã zugu? (Zoob 1:1, 8; 2:3) [w01 1/8 s.n. 20 s. a 4]
SEMEN FÃA BIIBLÃ KARENGO
11. Wãn-wãn la siglgã taoor-lʋɩtb sull neb tõog n ‘paam yam a yembr’ n dɩk sard n yeel tɩ ka tɩlae tɩ bu-zẽmsã neb nins sẽn lebg tẽedbã kẽ bãong n tõog n paam fãagre? (Tʋʋ. 15:25)
12. Bõe yĩng tɩ siglgã taoor lʋɩtb sull kos a Poll t’a tũ a Moiiz Tõogã noy kẽere, t’a Zeova yaool n da zoe n kɩt tɩ b bas Tõogã tũubu? (Tʋʋ. 21:20-26) [it-2 s.n. 701 s. a 4; it-2 s.n. 1166 s. a 2–5]
13. Rõd-bʋg la b ra rõd tʋm-tʋmd a Poll tɩ tẽegd tõnd goam b sẽn gom n sãbg a Zeova Kaset rãmbã wakat sẽn nan pa kaoos pʋgẽ? (Tʋʋ. 24:5, 6) [w01 15/12 s.n. 22 s. a 7–s.n. 23 s. a 2]
14. Wãn to la a Poll kõ mak-sõng Rĩungã mooneg pʋgẽ, baa b sẽn da wa n yõk-a n gũnug zak pʋgẽ yʋʋm a yiibã sasa? (Tʋʋ. 28:30, 31)
15. Wãn-wãn la “zu-soben dãmb sẽn yɩɩdã” be “Wẽnnaam seglsã” sʋka, la rẽ segd n kɩtame tɩ kiris-nebã tall manesem bʋgo? (Rom 13:1, 2, NW ) [w00 1/8 s.n. a 4 s. a 5]