Koeese
◼ Sɛb nins d sẽn na n kãab yʋʋm-sar kiuugã: Le plus grand homme de tous les temps. Sɛb a taab y sẽn tõe n kãab yaa Mam Biibl kɩbay sebre, La Bible: Parole de Dieu ou des hommes ?, bɩ Y Tõe n Vɩɩnda Wakat Sẽn-kõn-sa Tẽng zug Arzãnẽ. Yʋʋm-vẽkr kiuugã: Sebr buud fãa b sẽn yiis tɩ yʋʋmd 1988 wã nan ka ta, tɩ tigingã tarẽ. Yãmb sã n ka tar seb-kãensã, bɩ y ges tigims a taab sẽn pẽ sã n tar-b-la wʋsg tɩ y tõe n kos n tall n moone. Tigims nins sẽn pa tar seb-kʋdã tõe n kãaba L’humanité à la recherche de Dieu sebrã. Wao-fugdg kiuugã: Approchez-vous de Jéhovah. Seb-kãngã sã n ka be bɩ y kãab La vie : comment est-elle apparue ? Évolution ou création ? sebrã bɩ La Révélation : le grand dénouement est proche ! sebrã. Tʋʋlg kiuugã: Bãngr Sẽn Tar n Debd Vɩɩm Sẽn-Kõn-Saẽ Wã. D segd n modgame n sɩng Biibl zãmsg ne nebã. Neba sã n zoe n tara seb-kãngã, b tõe n kãaba Prêtons attention à la prophétie de Daniel ! sebrã.
◼ D tẽegda saam-biis nins sẽn get tigingã ligd yellã tɩ kiuug fãa b segd n kɩsa Sosiete wã ligd ning b sẽn yiisd dũni gill tʋʋmdã la Rĩung Rotã meeb kũun kogendẽ wã. B ka segd n dɩk ligd-kãngã n maan tigingã depãens rãmb a taab ye.
◼ B na n toola yãmb tigingã yʋʋmd 2004 Tẽegrã boolg sɛb tiging fãa pipi buud-gomd pʋgẽ. B sã n gomda buud-goam a taab yãmb moonegã zĩigẽ, tɩ y rat boolg sɛb gom-kãens pʋsẽ, bɩ y kos-b tao-tao sɛbã kosg formilɛɛr (S-14) zugu.
◼ Bãng-y tɩ b na n maana yʋʋmd 2005 Tẽegrã tʋʋlg kiuugã rasem 24, lamusã raare, wĩndgã lʋɩɩs poore. B sẽn wilg woto wã yaa sẽn na yɩl tɩ zĩis nins tigims wʋsg sẽn maand b tigiss Rĩung Roog a yembr pʋgẽ, tɩ kɩt tɩ b segd n bao zĩis a taabã reng n segl b mens rẽ yĩng n bao rot b sẽn na n luaas wall b maan kõntra rãmb n bĩngi. Kãsem dãmbã segd n zemsa ne zĩigã taoor dãmba, n kɩt tɩ b ra maan tʋʋm a taab sẽn wat ne tiisg roogã pʋgẽ ye, tɩ Tẽegrã tõog n maan ne bãan tɩ zũnd-zãnd ra zĩnd ye. Tẽegrã sẽn yaa bõn-kãsengã, kãsem dãmbã sã n wa yãkd Tẽegrã sõsda, b segd n yãk-a-la kãsem dãmb sẽn tar tõog n yɩɩdã sʋka. B ka segd n kõt sõasgã n deesd taab bala, bɩ n yãk saam-biig a ye bal tɩ yaa yẽ n kõt-a yʋʋmd fãa ye. La kãsem soab sẽn tar tõog sẽn zae-ba sʋk sã n be n tõe n kõ sõsgã, b segd n yãka yẽ.
◼ Sẽn sɩng ne yʋʋmd 2004, tʋʋlg kiuug rasem 15 n tɩ ta yʋʋmd 2005, sig-noy kiuug rasem 16, d na n zãmsa Approchez-vous de Jéhovah sebrã Tigingã sebr zãmsgẽ. Tigims nins sẽn dat seb-kãngã b sẽn maan ne gʋls-bɛdã segd n kosa rẽ Sosiete wã tao-tao.