Koeese
◼ Sɛb nins d sẽn na n kãab sẽoog la sa-sik kiisã: Kãab-y Wẽnnaam zoa seb-bilã. B segd n modga sõma n saag tigingã mooneg zĩig zãng n moone. Y sã n segend n na n kẽng vakãas bɩ y bao sɛb tɩ sek sẽn na yɩl n pʋɩ nebã. Bõn-bɩʋʋng kiuugã: Y a-t-il un Créateur qui se soucie de vous ? Y tõe n kãaba La vie : comment est-elle apparue ? Évolution ou création ? Zĩ-likr kiuugã: Gũusg Gasgã la Réveillez-vous ! wã. Zĩig ning neba sẽn wilg tɩ b rat n bãng n paasame wã, bɩ y kãab Baood seb-bilã, n maan modgr sõma n sɩng Biibl zãmsg ne nebã.
◼ Sẽn sɩng ne bõn-bɩʋʋng kiuugã, tigims gĩn yel-gɛtbã na n kõo zãma sõasg ning gom-zug sẽn yaa: “D gũ bũmb ning sẽn wat beoog-daarã ne tẽeb la raoodo.”
◼ Koe-moondbã sã n wa tɩ moond zĩig tiging ba a ye sẽn ka moondẽ, b tõe n kãaba nebã Baood seb-bilã bɩ Bãngr sebrã. Nedã sã n zoe n tara seb-kãensã, b tõe n kãab-a-la sebr a to. Koe-moondba fãa segd n zɩɩ seb-vãad toɛy-toɛy sẽn ka-b yiya la neb nins sẽn ka na n sak sɛbã yĩnga. B segd n maana modgr n gʋʋl ratmã, sẽn yɩɩd fãa, tigims sẽn pa zãr ne be neb sã n tõe n wa moona zĩ-kãnga.
◼ Tigimsã sekertɛɛr dãmb segd n baoo wakat fãa so-pakrã kosg sɛb (S-205) la sõngr so-pakrã kosg sɛb (S-205b) sõor tɩ seke. B tõe n kosa seb-kãensã sɛbã kosg sebr (S-14) zugu. Bao-y sɛb sõor sẽn sek yʋʋmd a yembr yĩnga.
◼ Sẽn deng tɩ b tool Sosiete wã wakat fãa so-pakrã kosg sɛba, tigingã sekertɛɛr segd n lebg n gesa b sã n pids-b-la zĩisã fãa. Sẽn kot-b n na n yɩ so-pakdbã sã n ka tõe n tẽeg b lisgã wakat takɩ, b segd n magame n ges sẽn yɩ wakat ning sẽnẽ la b reeg lisgã, n gʋls n bĩngi. Sekertɛɛrã na n gʋlsa wakat kãng koe-moondã kart zugu.
◼ Yãmb sã n geenda so-toak tẽng a to, n dat n deng n dɩ kɩbay tigingã tigissi, bɩ tigis-kãseng y sẽn dat n kẽngẽ zugu, yaa Sosiete wã tʋʋmd will ning sẽn get tẽn-kãng yellã la y segd n sok n bãng b wakatã, lɛɛr dãmbã, la b zĩisã. Sosiete wã tʋʋmd wil adɛrs rãmb bee yaoolem Annuaire sebrã yaoolem seb-neng zugu.
◼ Sosiete wã tʋʋmd will segd n talla yel-gɛtb taoor dãmbã la b sekertɛɛr dãmbã fãa yaoolem adɛrs rãmb la b telefõn nimero rãmba. B adɛrsã sã n toeeme, bɩ tigingã tʋʋmd sull pids yel-gɛt taoor soabã la sekertɛɛrã adɛrs toeeng sebrã (S-29) n tool Sosiete wã tao-tao.