Koeese
◼ Sɛb nins d sẽn na n kãab yʋʋm-sar kiuugã: Zãmaan fãa nin-kãseng sẽn ka to. Y leb n tõe n kãaba Mam Biibl kɩbay sebre, wall La Bible : Parole de Dieu ou des hommes ?, bɩ Y Tõe n Vɩɩnda Wakat Sẽn-kõn-sa Tẽng zug Arzãnẽ seb-kãng zĩigẽ. Yʋʋm-vẽkr kiuugã: Sebr buud fãa b sẽn yiis tɩ yʋʋmd 1990 wã nan ka ta, tigingã sẽn ket n tara. Yãmb sã n ka tar seb-kãensã bɩ y ges tigims a taab sã n tara seb-kʋd tɩ b sõorã yɩɩd b sẽn datã, tɩ y tõe n paame. Tigims nins sẽn ka tar seb-kʋdã tõe n kãaba L’humanité à la recherche de Dieu sebrã. Wao-fugdg kiuugã : Approchez-vous de Jéhovah. Seb-kãng sã n ka beẽ, y tõe n kãaba Création sebrã (bedrã bɩ bilfã) bɩ La Révélation : le grand dénouement est proche ! sebrã. Tʋʋlg kiuugã: Écoute le grand Enseignant. A soabã sã n yet t’a ka tar kamba, bɩ y kãab-a Baood seb-bilã. Sã n yaa Baood seb-bilã la y kãab ned bɩ y modg n sɩng Biibl zãmsg ne-a.
◼ B wɛgsa sõss sẽn pʋg taab tɩ b gom-zugã yaa “Wʋm-y y logtorã” yʋʋmd 2005 yʋʋm-vẽkr kiuug rasem 22 Réveillez-vous ! wã pʋgẽ, sẽn na yɩl n sõng tɩ wʋm-taab zĩnd nebã ne b logtoɛɛmbã sʋk n paase. La sik kae tɩ sõs-kãensã na n zĩnda yamleoog ne logtoɛɛmbã ye, bala sõs-kãensã wilgda bũmb ning sẽn kɩt tɩ Biiblã saagr koɛɛg tall yamleoog ne logtoɛɛmb kẽerã. Y tõe n datame n kos zʋrno rãmb n paase, la y modg n tɩ kãab-b y mengã logtor la logtoɛɛmb a taab me. Koe-moondbã sã n kosa zʋrnall kãngã sõor sẽn paas bɩ tigimsã wilg Sosiete wã tʋʋmd will tao-tao.
◼ B na n toola yãmb tigingã yʋʋmd 2005 Tẽegrã boolg sɛb tiging fãa pipi buud-gomd pʋgẽ. B sã n gomda buud-goam a taab yãmb moonegã zĩigẽ, tɩ y rat boolg sɛb gom-kãens pʋsẽ, bɩ y kos-b tao-tao sɛbã kosg formilɛɛr (S-14) zugu. D bõos tɩ y kos sɛbã buud-goam nins sẽn yaa tɩlae ne yãmb moonegã zĩigã bala.
◼ Bãng-y tɩ b na n maana yʋʋmd 2006 Tẽegrã tʋʋl-nif kiuugã rasem 12, arba raare, wĩndgã lʋɩɩs poore. B sẽn wilg woto wã yaa sẽn na yɩl tɩ zĩis nins tigims wʋsg sẽn maand b tigiss Rĩung Roog a yembr pʋgẽ, tɩ kɩt tɩ b segd n bao zĩis a taabã reng n segl b mens rẽ yĩng n bao rot b sẽn na n luaas wall b maan kõntra rãmb n bĩngi. Kãsem dãmbã segd n zemsa ne zĩigã taoor dãmba, n kɩt tɩ b ra maan tʋʋm a taab sẽn wat ne tiisg roogã pʋgẽ ye, tɩ Tẽegrã tõog n maan ne bãan tɩ zũnd-zãnd ra zĩnd ye.
◼ Tẽegrã sẽn yaa bõn-kãsengã yĩnga, kãsem dãmbã sã n wa yãkd Tẽegrã sõsda, b segd n yãk-a-la kãsem dãmb sẽn tar tõog n yɩɩdã sʋka. B ka segd n kõt sõasgã n deesd taab bala, bɩ n yãk saam-biig a ye bal tɩ yaa yẽ n kõt-a yʋʋmd fãa ye. La kãsem soab sẽn zae ne vʋʋsem sõng sã n be n tõe n kõ sõasgã, b segd n yãka yẽ.