Koeese
◼ Seb nins d sẽn na n kãab tʋʋlg kiuugã: Écoute le grand Enseignant. A soabã sã n yet t’a pa tar biig bɩ y kãab-a Baood seb-bilã. Sã n yaa Baood seb-bilã la y kãab-yã, bɩ y modg n sɩng Biiblã zãmsg ne a soabã. Tʋʋl-nif la sig-noy kiisã: Kãab-y Gũusg Gasgã la Réveillez-vous ! wã. Y sã n wa lebg n na n tɩ kaag neb nins sẽn dat n bãng n paasã, bɩ y tɩ kaag sẽn wa-b Tẽegrẽ wã wall tigingã tigiss a taab n yaool n nan pa lagemd ne tigingã. Modg-y n kãab nebã Balm-y Wẽnnaam sebrã. Y segd n maana y sẽn tõe fãa n sɩng Biiblã zãmsg ne nebã, sẽn yɩɩd fãa a soabã sã n zoe n zãmsa Bãngr sebrã la Baood seb-bilã. Sigr kiuugã: Kãab-y Zak pʋgẽ sũ-noogã kʋɩlen-biiga wall Bãngr sebrã.
◼ Sẽn na n sɩng ne yʋʋmd 2005 sigr kiuug rasem 27 semenã tɛka, d na n zãmsa Prêtons attention à la prophétie de Daniel ! sebrã tigingã sebr zãmsg sulẽ.
◼ Tigimsã sã n paam yaoolem Gũusg Gasgã la Réveillez-vous ! wã fãa, bɩ b kɩs-b koe-moondbã tao-tao. Rẽ na n sõng-b lame tɩ b tõog n paam b mens zʋrno rãmb n karem n bãng sẽn be b pʋsẽ wã sõma, n yaool n kãab-b koe-moonegã wakate. B segd n pʋɩɩ koe-moondbã Rĩungã Tʋʋmd sebrã me tao-tao b waoongã poore. B tõe n pʋɩ-b-la tigingã sebr zãmsg sulẽ.
◼ Yãmb sã n geenda so-toak tẽn-zẽng n dat n deng n paam kɩbay tigingã tigissi, bɩ tigis-kãseng y sẽn dat n kẽngẽ wã zugu, yaa Sosiete wã tʋʋmd will ning sẽn get tẽn-kãng yellã la y segd n sok n bãng b wakatã, b lɛɛrã, la b zĩisã. Sosiete wã tʋʋmd wil adɛrs rãmb bee yaoolem Annuaire sebrã yaoolem seb-neng zugu.
◼ Tigimsã sekertɛɛr dãmb segd n baoo wakat fãa so-pakrã kosg sɛb (S-205) la sõngr so-pakrã kosg sɛb (S-205b) sõor tɩ seke. B tõe n kosa seb-kãensã sɛbã kosg sebr (S-14) zugu. Bao-y sɛb sõor sẽn sek yʋʋmd a yembr yĩnga.
◼ D na n maana Tẽegrã yʋʋmd 2005 tʋʋlg kiuug rasem 24 lamusã raare. Yãmb tigingã sã n tara tigiss lamus daare, y segd n viiga tigis-kãens n maan-b daar a to semena pʋgẽ, sã n mik tɩ y tõe n wa paama Rĩungã Roog n maan-ba. La rẽ sã n pa tõe tɩ yãmb Tʋʋmdã tigisg maaneg na n yɩ toogo, y tõe n paasa a sõss nins sẽn pak yãmb tigingã Tʋʋmd tigisg a to pʋgẽ.
◼ Koe-moondb kẽer n telefõn tʋʋmdã willẽ Rĩungã yɩɩl b sẽn yiis ne koe-zom a to kasɛt kelgdɩ zut t’a Zeova Kaset rãmb kẽer tar-b wɛɛngẽ. B sokdame n dat n bãng sã n yaa siglgã n kõ neb nins sẽn yiis kasɛt kãensã sore. Tõnd wʋma yɩɩn-kãens kibar la d tʋllame tɩ y bãng tɩ pa tõnd n kõ-b sor ye. D kotame tɩ y ra bas tɩ b saag y sʋka, la y ra yãk-b ẽntɛrnetã pʋgẽ n ning y ordinatɛɛr dãmbẽ wã ye. D saagdame tɩ kiba-kãngã na n kɩtame tɩ yɛlã fãa lebg vẽenega.