Koeese

◼ Yʋʋm-vẽkr kiuugã: D na n kãaba sebr ning fãa sẽn yi tɩ yʋʋmd 1991 wã nan pa ta, tigingã sẽn ket n tarẽ. Tiging sã n pa tar seb-kãense, b tõe n kosa tigims nins sẽn tar-b wʋsgã. Tigims nins sẽn pa tar seb-kʋdã tõe n kãaba L’humanité à la recherche de Dieu wã. B sã n pa reeg seb-kãng bɩ y kãab Ket-y n gũusdẽ! seb-bilã. Wao-fugdg kiuugã: Approchez-vous de Jéhovah. Seb-kãng sã n kaẽ, y tõe n kãaba: Révélation : dénouement sebrã wall seb-kʋd a taab y sẽn tare. Tʋʋlg kiuugã: Écoute le Grand Enseignant wã. A soabã sã n yeel t’a pa tar kamba, d na n kãab-a-la Zak pʋgẽ sũ-noogã sebre. Tʋʋl-nif kiuugã: Gũusg Gasgã la Réveillez-vous ! wã

◼ Tʋʋl-nif kiuugã sẽn tar wɩkɛn dãmb a nu wã yĩnga, a zemsa ne sõngr so-pakrã rɩkre.

◼ Zãma sõs-paalg ning tigims sul yel-gɛtbã sẽn na n kõ wao-fugdg kiuugã n tar n debdã gom-zug yaa: “Y tõe n vɩɩmda ne bãan masã, la wakat fãa yĩnga.”

◼ Rõndã, tigimsã segd n seglame n maan Tẽegrã tʋʋlg kiuugã rasem 12 arbã raare, wĩndgã kõom poore. Baa ne b sẽn tõe n deng n sɩng sõasgã pĩndã, burã la divẽ wã pa segd n pɩʋʋg tɩ pa wĩndgã kõom poor ye. Bao-y n bãng-y wĩndgã sẽn lʋɩt wakat ning yãmb babgẽ wã. Tiging fãa tog n modgame n maan Tẽegrã toore. La pa wakat fãa la rẽ tõe ye. Zĩis nins tigims wʋsg sẽn tigimd Rĩung Roog a ye pʋgẽ wã, tiging a ye tõe n paame, tɩ tiging a to wã bɩ a taabã bao zĩig a to zaab-kãnga. Sã n mikame tɩ woto pa tõe, d sagend-y lame tɩ sã n tõe bɩ y kɩt tɩ minit 40 bɩ sẽn yɩɩd woto zĩnd Tẽegr fãa ne a to sʋka, sẽn na yɩl tɩ tiging fãa tõog n dɩ tẽegrã nafa tɩ pidi. B segd n gesame me tɩ sẽn na n pʋgl-bã waoong la sẽn sa-bã loogr da wa ne tiisgu, la b ges parkĩngã yelle. Kãsem dãmbã sull segd n gesa segls nins sẽn zems n yɩɩd ne bãmb zĩigã.

◼ Yãmb sã n geenda so-toak tẽng a to, n dat n deng n dɩ kibay tigingã tigiss bɩ tigis-kãseng y sẽn dat n kẽngẽ zugu, yaa Sosiete wã tʋʋmd will ning sẽn get tẽn-kãng yellã la y segd n sok n bãng b wakatã, lɛɛr dãmbã, la b zĩisã. Sosiete wã tʋʋmd will adɛrs rãmb bee Annuaire paallã baasgẽ seb-neng zugu.