Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2006, wao-fugdg kiuugã rasem 27 semennã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2006, yʋʋm-vẽkr kiuugã rasem a 2 semennã n tɩ ta wao-fugdg kiuugã rasem 27 semennã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕSG MINIM
1. Wãn to la Wẽnnaam tʋʋmdã Lekoll sõngd tõnd tɩ d ‘kõ Wẽnnaam maand daar fãa sẽn yaa pẽgre, la d kɩs kaset ne noor goam a yʋʋra yĩnga’? (Heb. 13:15) [be seb-neng a 5 sull a 3 n tɩ ta seb-neng a 6 sull a 1]
2. Bõe yĩng tɩ d segd n modg n karem sõma? [be seb-neng 83 sull a 1-5]
3. Bõe yĩng tɩ tar yõod wʋsg tɩ tõnd sã n gomd bɩ d sã n wa zãmsd nebã bɩ d goamã yɩ vẽenega? [be seb-neng 86 sull a 1-6]
4. Bõe yĩng tɩ gom-biisã boolg sõma tar yõodo, la bõe n na sõng-d rẽ wɛɛngẽ? [be seb-neng 89 sull a 1 n tɩ ta seb-neng 90 sull a 2, zĩ-gubrã]
5. Sagl-bʋs n tõe n sõng-d tɩ d gom faag-faaga? [be seb-neng 94 sull a 4-5, zĩ-gubrã]
SÕSG No A 1
6. Wãn to la 2 Kibay 36:17-23 wilgd tɩ Biiblã bãngr-goam zemsa ne bas-yardo? [si seb-neng 84 sull 35]
7. Tũu ne yel-bʋs tɩ Zʋɩf rãmbã wa na n tõog n leb b ba-yirã yʋʋmd 537 sẽn deng a Zezi rogmã, sẽn na yɩl n tɩ lebs n me a Zeova roogã? [si seb-neng 85 sull a 1-3]
8. Wãn-wãn la a Ɛsdras sebrã wilgd vẽeneg t’a Zeova n yaa sɩd Wẽnnaamã d sẽn tõe n tall bas-yard ne wã? [si seb-neng 87 sull 14, 18]
9. Bõe yĩng tɩ b sẽn wilg tɩ “rẽ tɩ naab a Artazɛgzɛs deega b naamã tɩ yʋʋm pis-yiiblẽ” wã tar yõod wʋsg Biiblã sẽn sõt yʋʋmã to-to wã pʋgẽ? (Neh. 2:1, 5, 6, 11, 17, 18) [si seb-neng 88 sull a 2, 5]
10. Bõe n kɩt t’a Nehemi yaa mak-sõng n kõ Wẽnnaam sõgen dãmbã rũndã-rũndã? [si seb-neng 90 sull 16-17]
BIIBLÃ KARENG SEMEN-SEMENNÃ
11. Rẽ yĩnga Zʋɩf rãmb nins sẽn lebg n wa b tẽngẽ wã ra ket n tara Urimmã la Tumimmã n sokd a Zeova bɩ? (Ɛs. 2:61-63)
12. Bõe yĩng tɩ Zʋɩf rãmb wʋsg sẽn da be Babilonnã ra pa rat n sak n tũ a Ɛsdras n leb Zerizalɛm? (Ɛs. 7:28–8:20)
13. Wãn to la Zerizalɛm lalgã metb ra tõe n me-a nug yend-yende? (Neh. 4:11, 12)
14. Bõe yĩng t’a Sãmbala tool a Nehemi sebr sẽn lake, tɩ b yaool n da segd n ning seb-kãens buudã korg pʋgẽ n page? (Neh. 6:5)
15. A Nehemi zaba ne Zʋɩf rãmb nins sẽn yaa tõtbã wa a sẽn da zab ne b nanambsã. La rẽ toor sẽn ka be, bõe me la a maan n sɩbg-ba? (Neh. 13:25, 28)