Koeese

◼ Seb nins d sẽn na n kãab tʋʋlg kiuugã: Biiblã sɩd yetame tɩ bõe? Modg-y n sɩng-y Biiblã zãmsg ne nebã. Tʋʋl-nif la sig-noy kiisã: Kãab-y Gũusg Gasgã la Réveillez-vous ! wã. Y sã n wa lebg n na n tɩ ges neb nins sẽn dat n bãng n paasã, bɩ y tɩ kaag neb nins sẽn wa Tẽegrã bɩ tigingã tigiss a taab n yaool n nan pa tigingã nebã. Modg-y n kãab-y nebã Biiblã sɩd yetame tɩ bõe sebrã. Y segd n modgame n sɩng Biiblã zãmsg ne nebã sebrã pʋgẽ. Sigr kiuugã: Kãab-y Écoute le grand Enseignant wã. Ned sã n yeel t’a pa tar biiga, bɩ y kãab-a Zak pʋgẽ sũ-noogã sebrã.

◼ Sẽn mik tɩ tʋʋl-nif kiuugã tara wɩkɛn a nu wã, yaa sasa sẽn zems ne sõngr so-pakrã tʋʋmd rɩkre.

◼ D na n maana Tẽegrã yʋʋmd 2006 tʋʋl-nif kiuugã rasem 12 arbã raare. Yãmb tigingã sã n tara tigisg arbã daare, y segd n viig-a lame n maan daar a to semennã pʋgẽ, sã n mik tɩ y tõe n paama Rĩungã Roogo. La rẽ sã n pa tõeyã, tɩ mik tɩ ra yaa Tʋʋmd tigisg la y ra segd n maane, y tõe n paasa sõss nins sẽn pak yãmb tigingã Tʋʋmd tigisg a to pʋgẽ.

◼ Tigimsã sã n paam yaoolem Gũusg Gasgã la Réveillez-vous ! wã, b segd n kɩs-b-la koe-moondbã tao-tao. Rẽ na n sõnga koe-moondbã tɩ b tõog n karem n zoe n bãng sẽn be sɛbã pʋsẽ wã sõma, n yaool n kãab-b koe-moonegã wakate. Rĩungã Tʋʋmd me sã n wa, b segd n pʋɩ-a-la tao-tao. B tõe n pʋɩ-a-la sebrã zãmsg sulẽ.

◼ Tʋʋmdã will pa reegd koe-moondbã yembr yembre sɛb komand ye. Kiuug fãa, yel-gɛtbã taoor lʋɩtã segd n deng n kɩtame tɩ b moon koɛɛga, sẽn na yɩl tɩ sẽn dat-b sɛbã togs saam-biig ning sẽn get sɛbã yellã, tɩ b yaool n tool tigingã fãa sɛb komande. D bõos tɩ y tẽeg tɩ sɛb kẽer tũuda ne komand sẽn yaa zalle.