Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2006, tʋʋl-nif kiuugã rasem 24 semennã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2006, tʋʋlg kiuugã rasem a 6 semennã n tɩ ta tʋʋl-nif kiuugã rasem 24 semennã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕSG MINIM
1. D sã n zãmsd nebã, bõe yĩng tɩ d sã n wa gom bũmb yell n sa n dat n long a to bɩ d segd n yals bilfu, la bõe n tõe n gɩdg tõnd tɩ d pa maan dẽ? [be seb-neng 98 sull a 2-3]
2. Bõe yĩng tɩ d sã n wa moond koɛɛgã, tar yõod tɩ d gomd n yalsdẽ? [be seb-neng 99 sull a 5 n tɩ ta seb-neng 100 sull a 4]
3. Bõe yĩng tɩ d sã n wa kõt sõsg bɩ d segd n kɩt tɩ gom-biis nins sẽn tar yõod wʋsg sõsgã pʋgẽ wã pukd vẽenega, la wãn-wãn la d tõe n maan dẽ sõma? [be seb-neng 101 sull a 1-5, zĩ-gũbrã]
4. D sã n wa karemd zãma taoore, wãn to la d tõe n kɩt tɩ karengã tags-kãsems puk vẽenega? [be seb-neng 105 sull a 1-6]
5. Bõe yĩng tɩ tar yõod tɩ d sã n kõt sõsg bɩ d segd n zẽk d koɛɛgã tɩ zemse, la wãn to la d tõe n bãng d koɛɛgã zẽkr sẽn segd n tek to-to? [be seb-neng 107-8]
SÕSG No A 1
6. Wãn-wãn la kiris-nebã yɛl sẽn yaa to-to rũndã-rũndã wã wõnd a Ɛstɛɛr la a Mardose wakatẽ wã, la wãn to la d tõe n dɩk b togs-n-taare? [si seb-neng 94 sull 17]
7. Yaa bõe la a Salomo ra bilgd a sẽn wa n yeel tɩ ‘fãa yaa zaalem, a wẽnda wa ned sẽn digd sobgã’? (Koɛ. 2:11) [w04 15/10 seb-neng a 4 sull a 3-4]
8. Wãn to la d tõe n paas d nonglmã ne Wẽnnaam? (Mark 12:30) [w04 1/3 seb-neng 19-21])
9. Welg bʋs n be tẽebã yɛl maaneg la laog-nonglmã sʋka? [w04 15/10 seb-neng a 5-7]
10. Tigis-kãsemsã sasa, bõe n tõe n sõng tõnd tɩ d kelg sõma tɩ bũmb pa tiis-du? [be seb-neng 15-16]
BIIBLÃ KARENG SEMEN-SEMENNÃ
11. Bõe yĩng t’a Haman nengã ludi? (Ɛstɛɛr 7:8)
12. Yaa bõe la sẽn pɩʋʋg t’a pemsem wẽ a Elifaaz tɩ tall pãng a tagsgã zugã? (Zoob 4:15, 16) [w05 15/9 seb-neng 26 sull a 2]
13. Rẽ yĩnga a Zoob sẽn yeel bũmb ning Zoob 7:9, 10 la Zoob 10:21 pʋgẽ wã wilgdame t’a pa tẽed kũum vʋʋgrã bɩ?
14. Tõe t’a Zoob ra rat n wilga bõe a sẽn yeel tɩ yaa a yẽnã gãnd bal n kellã? (Zoob 19:20 NW)
15. Bõe la a Zoob ra rat n wilg a sẽn yeel t’a na n kell n ‘talla a pʋ-peelmã’ bɩ a burkĩndã, la bõe la rẽ tõe n zãms tõndo? (Zoob 27:5, Sebr Sõngo)