Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2006, sa-sik kiuugã rasem 28 semennã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2006, sẽoog kiuugã rasem a 3 semennã n tɩ ta sa-sik kiuugã rasem 28 semennã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕSG MINIM
1. D sã n gomd la d get d kɛlgdbã, wãn-wãn la na n sõng-d tɩ d zãms-b sõma? (Mat. 19:25, 26; Tʋʋ. 14:9, 10) [be seb-neng 124 sull a 3 n tɩ ta seb-neng 125 sull a 2]
2. Bõe yĩng tɩ tar yõod tɩ d gomd wa d sẽn minim n gomd to-to raasenkamã, la bõe n tõe n sõng-d tɩ d maan rẽ koe-moonegã pʋgẽ? [be seb-neng 128 sull a 1-5, zĩ-gũbrã]
3. Bõe yĩng tɩ tar yõod tɩ d yɩ yɩlemd la d ning fut sẽn zemse? [be seb-neng 131 sull a 1-3]
4. Wãn-wãn la d segd n maan tɩ d futã ningr da wilg tɩ d yaa ‘wilg-m-mens rãmb la tɩta-neba’? (1 Tɩm. 2:9, Sebr Sõngo) [be seb-neng 131 sull a 4–seb-neng 132 sull a 1]
5. Biiblã no-bʋs la d na n tũ tɩ d sẽn manegd d mens to-to wã ra wilg tɩ d nonga dũniyã? [be seb-neng 133 sull a 1-2]
SÕSG No 1
6. D sã n mi karengo, nafa bʋg sẽn yɩɩd a taabã fãa la d tõe n paame? [be seb-neng 21 sull a 3]
7. Bõe n wilgd ned sã n yaa yam soab bɩ a sã n yaa yalma? (Yel. 14:2) [w04 15/11 seb-neng 26 sull a 5]
8. B sẽn yeel tɩ “bãngr yaa nana ne nin-yẽesengã” võor yaa bõe? (Yel. 14:6) [w04 15/11 seb-neng 28 sull a 4-5]
9. Sebr zãmsg yaa bõe? [be seb-neng 27 sull a 3]
10. Bũmb nins a Zeova sẽn naanã zug bʋgs segd n sõnga tõnd wãn to? [w04-MM 1/11 seb-neng 20 sull a 4]
BIIBLÃ KARENG SEMEN-SEMENNÃ
11. Sã n yaa ne buud gomd ning b sẽn gʋls Yɩɩl Sõamyã pʋgẽ, Yɩɩl Sõamyã 68:12 wã gomda pagb sẽn yaa wa tãb-biis kʋʋng sẽn moond koe-noogã yelle. Pĩnd wẽndẽ wã, wãn-wãn la a Zeova ‘kõ noor’ tɩ kɩt tɩ b maan rẽ, la wãn-wãn la a buud pidsd rũndã-rũndã? (Yɩɩl 68:12)
12. Bõe n da na n kɩtẽ t’a Azaf bas tɩrg maanego, la wãn to la b rems a tagsgã? (Yɩɩl 73:2, 3, 17)
13. Bõe yĩng tɩ b ra boond mannã b sẽn da kõt Israɛll nebã tɩ “ki sẽn yi yĩngri,” la “pãens rãmb dɩɩbo”? (Yɩɩl 78:24, 25)
14. “Sẽn-ka-to zĩ-soalgdgã” yaa bõe, la wãn-wãn la d tõe n solg be? (Yɩɩl 91:1, 2)
15. B sẽn yeel t’a Zeova nin-nongdsa kũum yaa bõn-kãseng a nifẽ wã võor yaa bõe? (Yɩɩl 116:15)