Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2006, zĩ-likr kiuugã rasem 30 semennã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2006, bon-bɩʋʋng kiuugã rasem a 4 semennã n tɩ tãag zĩ-likr kiuugã rasem 30 semennã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕSG MINIM
1. Bõe yĩng tɩ tar yõod tɩ d gomd ne bas-m-yam, la wãn to la d tõe n boog d rabeemã? [be seb-neng 135 sull a 5–seb-neng 137 sull a 2, ne zĩ-gũbsã.]
2. Ned sã n sok tõnd bũmb d tẽebã zugu, bõe yĩng tɩ d segd n modg n tall Biiblã n leok a soaba? [be seb-neng 143 sull a 1-3]
3. Wãn-wãn la d tõe n maan n wa tõe n talld Biiblã n sõngd nebã sõma? [be p. 144, zĩ-gũbrã]
4. D sã n wa sõsd ne nebã koe-moonegã sasa, bõe yĩng tɩ tar yõod tɩ d nong n karemd Biiblã pʋgẽ, la wãn to la d tõe n kɩt tɩ nebã nong n lakd b Biibl dãmbã n tũud karengã tigissã sasa? [be seb-neng 145-6, ne zĩ-gũbsã]
5. D sã n wa yet bũmb verse zug n yaool n na n yeel nebã tɩ b rɩk verse wã tɩ d karme, yaa yɛl a yiib bʋs la d rat n pidsi? [be seb-neng 147 sull a 2]
SÕSG No 1
6. Koe-bʋg sẽn tar yõod wʋsg n be Yɩɩl Sõamyã sebrẽ? [si seb-neng 105 sull 23]
7. Yaa wakat bʋg la b gʋls Yelbũnã sebre, la wakat bʋg la b tigim a sɛbã fãa? [si seb-neng 107 sull a 5]
8. Yelbũnd yaa bõe, la bõe yĩng tɩ b sẽn boond Yelbũn sebrã to-to ne hebre wã zemse? [si seb-neng 107 sull a 6]
9. B sẽn sagend Yelbũna 2:1-5 pʋgẽ tɩ b bao bãngr ne yam ‘wa ned sẽn baood wanzũri ne arzɛgsã’ rat n yeelame tɩ bõe? [be seb-neng 38 sull a 4]
10. Wãn-wãn la Yelbũna sebr wẽneg n wilgd a yõodã? [si seb-neng 110 sull 19]
BIIBLÃ KARENG SEMEN-SEMENNÃ
11. Wãn to la a Davɩɩd da ‘sik a sũur n sĩnd wa bi-sigdg sẽn delld a ma?’ (Yɩɩl 131:1-3)
12. Bels-bʋg la d tõe n paam Yɩɩl Sõamyã 139:7-12 wã pʋgẽ?
13. Yɩɩl Sõamyã 145 soabã pʋgẽ, yɛl toɛy-toɛy n wilgd t’a Zeova yaa kãseng n ka to ye. Yel-kãensã sãnda la bʋse, la wãn-wãn la d tõe n tik rẽ n pẽg a Zeova d pʋʋsg pʋgẽ la d koe-moonegã pʋgẽ? (Yɩɩl 145:3)
14. Bõe yĩng tɩ b yetẽ tɩ “Zusoaba zoees yaa bãngr sɩngre”? (Yelbũna 1:7; 9:10)
15. Wãn-wãn la d segd n wʋm Yelbũna 7:1, 2 goamã võore?