Koeese

◼ Sɛb nins d sẽn na n kãab yʋʋm-vẽkr kiuugã: Sɛb nins b sẽn yiis tɩ yʋʋmd 1991 wã nan pa ta tɩ tigingã ket n tarẽ wã. Yãmb tigingã sã n pa tar seb-kãensã, y tõe n kosa tigims nins sẽn ket n tar-b wʋsgã. Tigims nins sẽn pa tar seb-kʋdã tõe n kãaba Bãngr sebrã wall Ket-y n gũusdẽ! seb-bilã. Wao-fugdg kiuugã: Approchez-vous de Jéhovah. Seb-kãng sã n kae, y tõe n kãaba Révélation : dénouement sebrã wall seb-kʋd a taab y sẽn tare. Tʋʋlg kiuugã: Biiblã sɩd yetame tɩ bõe? sebrã. Modg-y n sɩng-y Biiblã zãmsg ne nebã. Tʋʋl-nif kiuugã: Kãab-y Gũusg Gasgã la Reveillez-vous! wã.

◼ Zãma sõs-paalg ning tigims sul yel-gɛtbã sẽn na n kõ wao-fugdg kiuugã n tar n debdã gom-zug yaa: “Ãnd dãmb n na n paam n zĩnd Wẽnnaam dũni paalgã pʋgẽ?”

◼ B yiisda tõnd sɛbã ne d sẽn boond a soab tɩ sinoaamd la sinoaamd sẽn yaa nana wã. Naoor wʋsgo, Hong kong la Taiwan nebã karemda “sinoaamdã” (CH). Sin neb a taabã nong n karemda “sinoaamd sẽn yaa nana” wã (CHS). Sẽn mik tɩ sinoaamd ning ned sẽn tõe n karmã pa be ne a sã n gomda mandarẽ, kãntonẽ bɩ gomd a to wã, tara yõod tɩ ned kam fãa yãk a sã n na n karma sinoaamd bɩ sinoaamd sẽn yaa nana wã . Y tõe n gesa Une bonne nouvelle pour des gens de toutes nations sebrã, a neng 17-18 wã pʋgẽ n bãng-b n welge. Rẽ na n sõng-y lame tɩ y tõog n kos sɛbã ne gom-buk ning y sẽn datã.

◼ Tigimsã segd n segla b mens n maan roandã Tẽegrã tʋʋl-nif kiuugã rasem a 2 tẽne wã raare, wĩndgã kõom poore. Baa ne b sẽn tõe n deng n sɩng sõsgã pĩndã, b pa segd n tall burã la divẽ wã n pɩʋʋg nebã taoor tɩ wĩndgã na n pa kẽ ye. Bao-y n bãng-y wĩndgã sẽn lʋɩt wakat ning yãmb babgẽ wã. Tiging fãa tog n modgame n maan Tẽegrã a toor n pa naag tiging a to ye. La pa wakat fãa la rẽ tõe ye. Zĩis nins tigims wʋsg sẽn tigimd Rĩung Roog a ye pʋgẽ wã, tiging a ye tõe n paa zĩ-kãng n maan Tẽegrã, tɩ tiging a to wã bɩ a taabã bao zĩis a taaba. D sagend-y lame tɩ sã n tõe bɩ y kɩt tɩ minit 40 bɩ sẽn yɩɩd woto zĩnd Tẽegr fãa ne a to sʋka, sẽn na yɩl tɩ Tẽegr fãa poor bɩ nebã tõog n sõs ne taaba. B segd n gesame me tɩ sẽn sa-b n loogdẽ wã la sẽn wat-bã da wa tiis taab ye, la b ges parkĩngã yell me sõma. Kãsem dãmbã sull segdame n ges b sẽn na n maan bũmb nins tɩ zems ne b tigingã.

◼ Tigimsã sekertɛɛr dãmb segd n gesa b sã n tara wakat fãa so-pakd fãa sẽn be tigingã pʋgẽ lettre de nomination (S-202). Sã n ka be bɩ b gʋls n wilg tʋʋmdã willi.