Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2007, sigr kiuugã rasem 25 semennã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2007, sig-noy kiuugã rasem a 7 semennã n tɩ tãag sigr kiuugã rasem 25 semennã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕSG MINIM
1. D sã n wa gomda, bõe la d tõe n maan tɩ rabeemã ra wa kɩt tɩ nebã pa wʋm d goamã sõma? [be seb-neng 184 sull a 3-seb-neng 185 sull a 2]
2. Koe-noogã mooneg pʋgẽ, wãn to la d tõe n ‘lebg bũmb fãa nebã yĩnga’? (1 Kor. 9:20-23) [be seb-neng 186 sull a 2-4]
3. Neb a taabã kelgr wɛɛngẽ, wãn to la d tõe n dɩk a Zeova togs-n-taare? (Sɩng. 18:23-33; 1 Rĩm 22:19-22) [be seb-neng 187 sull a 1-2, 5]
4. Bõe ne bõe la d tõe n maan vẽeneg n sõng nebã tɩ b tẽebã pãng paase? [be seb-neng 187 sull a 6–seb-neng 188 sull a 3]
5. Bõe yĩng tɩ d segd n waoog neb a taabã? [be seb-neng 190 sull a 3, la zĩ-gũbrã]
SÕSG No 1
6. Bõe yĩng tɩ d segd n modg tɩ d zãmsgã kẽ neb nins sẽn zãmsd Biiblã ne tõndã sũy sõma? [be seb-neng 59 sull a 1]
7. Tõnd mak-sõngã tõe n kɩtame tɩ neb nins tõnd sẽn zãmsd Biiblã maan bõe? [be seb-neng 60 sull a 4]
8. Bõe la d tõe n maan n tõog n sõsd sõma ne d zakã rãmba? [be seb-neng 62 sull a 3]
9. Wãn to la no-rɛɛs a Zeremi wilg t’a tara raood la yẽesem? [si seb-neng 129 sull 36]
10. Wiisg sebrã gomda ãnd bas-yard ne Wẽnnaam yelle, la bõe yĩng t’a sẽn wilgd Wẽnnaam sɩbgrã sẽn yɩ kɛgeng to-to nin-wẽnsã zugã tar yõodo? [si seb-neng 132 sull 13]
BIIBLÃ KARENG SEMEN-SEMENNÃ
11. Zeremi 37:21 sẽn wilgd zu-loees nins a Zeremi sẽn paamã kɩtdame tɩ d tar bas-yard bʋg ne a Zeova?
12. Tõe tɩ yaa bõe n kɩt t’a Baruk yeel t’a Zeova ‘kõ-a-la toog n paas a sũ-sãoongã,’ tɩ kɩt t’a ‘pãng sɛ’ wã, la bõe la a ra rat n bao? (Zer. 45:1-5)
13. Wakat bʋg la nebã yi n bas Babilon tɩ lebg “zĩ-vɩʋʋgo”? (Zer. 50:13)
14. Wiisgu 3:8, 9, 42-45 wã wilgda tõnd bõe vẽeneg pʋʋsgã wɛɛngẽ?
15. Saar ning yell b sẽn gomd Ezekɩɛll sak a 1 pʋgẽ wã makda bõe?