Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2007, zĩ-likr kiuugã rasem 29 semennã. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2007, bõn-bɩʋʋng kiuugã rasem a 3 semennã n tɩ tãag zĩ-likr kiuugã rasem 29 semennã zutu.
SÕSG MINIM
1. Bõe yĩng tɩ togs n yɩlem tar yõod zãmsg pʋgẽ? [be seb-neng 206 sull a 1-2, la zĩ-gũbrã.]
2. Bõe ne bõe la d tõe n maan tɩ d sõsg gom-zug puk sõsgã pʋgẽ vẽenega? [be seb-neng 210 zĩ-gũbrã.]
3. Sõsg pʋgẽ, bũmb nins kɛlgdbã sẽn segd n gãd b yamẽ wã la bʋse, la bõe n tõe n sõng-d tɩ d bãng n tũus-ba? [be seb-neng 212 sull a 1-3.]
4. Sõsg pʋgẽ, bõe yĩng tɩ goam nins d sẽn tũus n na n wɛgsã pa segd n yɩ wʋsgo? [be seb-neng 213 sull a 3-5.]
5. D sõsgã sɩngrẽ, bõe yĩng tɩ d segd n kɩt t’a kelgr yamleoog kẽ nebã, la wãn to la d tõe n maan dẽ? [be seb-neng 215 sull a 1; seb-neng 216 sull a 1-3, la zĩ-gũbrã.]
SÕSG No A 1
6. Wãn to la Yɩɩl Sõamyã 119:89, 90 wã sẽn yetã sõngd tõnd tɩ d bãng tɩ d tõe n teega Wẽnnaam goamã? [w05-MM 1/5 seb-neng a 8 sull a 3.]
7. A Ezekɩɛll sebrã gomda bõe yelle, la bõe la neb nins sẽn maand a Zeova raabã masã wã na n wa paame? [si seb-neng 138 sull 33.]
8. Wãn to la a ‘Zeova goamã’ tõe n kogl d sũurã? (Yɩɩl 18:31) [w05 1/9 seb-neng 30 sull a 2.]
9. Wãn-wãn la a Daniɛll sebrã kɩtd tɩ d bãng tɩ yaa Wẽnnaam Rĩungã n na n wa fãag ãdem-biisã? [si seb-neng 143 sull 23.]
10. Wãn to la a Oze sebrã kɩt tɩ d kɩs sɩd n paas t’a Zeova sẽn pĩnd n togs goam ninsã fãa na n pidsame? [si seb-neng 145 sull 14.]
BIIBLÃ KARENG SEMEN-SEMENNÃ
11. Wẽnnaam sẽn vẽneg a Ezekɩɛll t’a yã bũmb ningã pʋgẽ, b sẽn mag wẽnd-doogã võor yaa bõe, la rẽ kɩtame tɩ d kɩs sɩd ne bõe rũndã-rũndã? (Eze. 40:2-5) [w99 1/3 seb-neng a 9 sull a 6; seb-neng 14 sull a 7.]
12. Wẽnnaam sẽn vẽneg a Ezekɩɛll t’a yã bũmb ningã pʋgẽ, “rĩmã” makda ãnda? (Eze. 48:21-2 ) [w99 1/3 seb-neng 16 sull 13-15; seb-neng 22-3 sull 19-20.]
13. Daniɛll 2:21 wã sẽn yet bũmb ningã võor yaa bõe? [w98 15/9 seb-neng 12 sull a 9.]
14. Bõe n kɩt t’a Zeova ra nong a Daniɛll hal wʋsgo? (Dan. 9:23) [dp seb-neng 185 sull 12; w04-MM 1/8 seb-neng 22 sull 17.]
15. B sẽn yeel tɩ ‘Wẽnnaam bãngr ra ka be’ Israɛll tẽngẽ wã rat n yeelame tɩ bõe, la wãn to la a võorã tõe n sõng tõnd ned kam fãa? (Oze 4:1, 2, 6) [w05-MM 1/12 seb-neng 11 sull 21; jd seb-neng 57-8 sull a 5; seb-neng 61 sull 10.]