Koeese

◼ Sɛb d sẽn na n kãab nebã yʋʋm-vẽkr kiuugã: D na n kãaba Bãngr sebrã, wall sɛb nins fãa b sẽn yiis tɩ yʋʋmd 1991 wã nan pa ta, tɩ tigingã ket n tarẽ wã. Tigims nins sẽn pa tar seb-kãensã wã tõe n kosa tigims nins sẽn tar wʋsgã. La sã n mik tɩ ka be, b tõe n kãaba Ket-y n gũusdẽ! seb-bilã. Wao-fugdg kiuugã: Zak pʋgẽ sũ-noogã kʋɩlen-biiga, pa rẽ bɩ Y a-t-il un Créateur qui se soucie de vous ? Tʋʋlg kiuugã: Biiblã sɩd yetame tɩ bõe? Modg-y n sɩng Biiblã zãmsg ne nebã. Tʋʋl-nif la sig-noy kiisã: Gũusg Gasgã la Réveillez-vous ! wã. Modg-y n tɩ kaag neb nins sẽn wa Tẽegrã la Tẽegrã poor diskuurã. Yaa sẽn na yɩl n sɩng Biiblã zãmsg ne neb nins sẽn nan pa zãmsd Biiblã.

◼ Tʋʋlg kiuugã sẽn tar sib a nu la hat a nu wã, yɩta sõma tɩ y rɩk sõngr so-pakrã ki-kãnga.

◼ Zãma sõs-paalg ning tigims sul yel-gɛtbã sẽn na n kõ wao-fugdg kiuugã n tar n debdã gom-zug yaa: “Yɛ la d tõe n paam sõngr toog wakate?”

◼ Tigimsã segd n segla b mens n maan rõandã Tẽegrã tʋʋlg kiuugã rasem 22 sibrã raare, wĩndgã kõom poore. Baa ne b sẽn tõe n deng n sɩng sõsgã pĩndã, b pa segd n tall burã la divẽ wã n pɩʋʋg nebã taoor tɩ wĩndgã na n pa kẽ ye. Gũus-y n ges-y wĩndgã sẽn lʋɩt wakat ning yãmb babgẽ wã. Tiging fãa tog n modgame n maan Tẽegrã a toor n pa naag tiging a to ye. La pa wakat fãa la rẽ tõe ye. Zĩis nins tigims wʋsg sẽn tigimd Rĩung Roog a ye pʋgẽ wã, tiging a ye bɩ sẽn yɩɩd woto tõe n baoo zĩis a taaba. D sagend-y lame tɩ sã n tõe bɩ y kɩt tɩ minit 40 bɩ sẽn yɩɩd woto zĩnd Tẽegr fãa ne a to sʋka, sẽn na yɩl tɩ Tẽegr fãa poor bɩ nebã tõog n sõs ne taaba. B segd n gesame me tɩ sẽn sa-b n loogdẽ wã la sẽn wat-bã da wa tiis taaba, la b ges parkĩngã yell me sõma. Kãsem dãmbã segdame n ges b sẽn na n maan bũmb nins tɩ zems ne b tigingã.

◼ Tigimsã sekertɛɛr dãmb segd n gesa b sã n tara wakat fãa so-pakd fãa lettre de nomination (S-202). Sã n ka be bɩ b gʋls n wilg Betɛllã biru.

◼ Yʋʋmd 2008 sa-sik kiuug rasem a 4 tɛka, d na n zãmsa Vivez en gardant à l’esprit le jour de Jéhovah sebrã, sebrã zãmsg sulẽ.