Koeese

◼ Sɛb nins d sẽn na n kãab nebã tʋʋlg kiuugã: Biiblã sɩd yetame tɩ bõe? Modg-y n sɩng Biibl zãmsg ne nebã. Tʋʋl-nif la sig-noy kiisã: Kãab-y Gũusg Gasgã la Réveillez-vous! wã. Y sã n wa lebg n na n tɩ kaag neb nins sẽn dat n bãng koɛɛgã n paasã, la neb nins sẽn wa Tẽegrã bɩ tigiss a taab la b yaool n nan pa tigingã nebã, bɩ y modg n kãab-b Biiblã yetame tɩ bõe? sebrã. Yaa sẽn na yɩl n tõog n sɩng Biibl zãmsg ne neba sebrã pʋgẽ. Sigr kiuugã: Biiblã sɩd yetame tɩ bõe? Kɛlgdã sã n zoe n tara seb-kãnga, bɩ y kãab-a sɛb nins b sẽn yiis tɩ yʋʋmd 1992 wã nan pa ta wã a yembre.

◼ Tigimsã sã n paam yaoolem Gũusg Gasgã la Réveillez-vous ! wã, b segd n kɩs-b-la koe-moondbã tao-tao. Rẽ na n sõnga koe-moondbã tɩ b tõog n karem n zoe n bãng sẽn be sɛbã pʋsẽ wã sõma, n yaool n kãab-b koe-moonegã wakate. D segd n gũume tɩ sebrã yiib kiuug ta tɩ d yaool n sɩng a pʋɩɩbo.