Koe-moonegã kibaya

◼ Sãntrafiriki: Neb nins fãa sẽn kẽng yʋʋmd 2008 yʋʋm-saar kiuugã la yʋʋmd 2009 yʋʋm-vẽkr kiuugã tigisg-kãsemsã gom-zug sẽn yɩ “Wẽnnaam vʋʋsem sõngã wilgda tõnd sorã” sũy yɩɩ noog b sẽn paam Biibl Écritures grecques Chrétiennes — Traduction du monde nouveau b sẽn lebg ne Sango wã. Baa b sẽn tar Biibl b sẽn lebg ne Sango wã, Biibl ning b sẽn nan lebgã kareng yaa nana n zems ne b sẽn gomd buud-gom-kãng to-to rũndã-rũndã wã.

◼ Gabõ: Yʋʋmd 2009 yʋʋm-vẽkr kiuugã, koe-moondbã, sɛbã b sẽn kãabã, lɛɛr dãmbã, lebg-n-ti-gesã la Biibl zãmsdbã sõor paasame. Koe-moondb 3 558 n moon lɛɛr dãmb 85 534. D sã n mak ne b sẽn moon rɩẽ yʋʋm-vẽkr kiuugã sasa wã, b moonã sẽn kolg lɛɛr dãmb 10 000 n paase. Woto sɩd noogda d sũuri!

◼ Togo: B maana rasem a tãab tigis-kãsems 20. La yaoolem soabã baasa yʋʋmd 2009 yʋʋm-vẽkr kiuugã. Tigis-kãseng-kãng gom-zug yɩɩ “Wẽnnaam vʋʋsem sõngã wilgda tõnd sore.” Neb 37 566 n kẽng tigis-kãsen-kãensã, tɩ neb 633 reeg lisgu. Woto wilgda vẽeneg tɩ karen-biisã maaneg wɛɛngẽ, a Zeova ningda sẽn yɩɩd koe-moond 15 000 modgrã barka.