Koeese

◼ Sɛb nins d sẽn na kãab nebã sẽoog la sa-sik kiisã: B tõe n kãaba seb-bi nins sẽn tar seb-nens 32 wã b sẽn sõdg tʋʋl-nif kiuugã Rĩungã tʋʋmd seb-neng a 8 pʋgẽ wã. Bõn-bɩʋʋngo: Biiblã sɩd yetame tɩ bõe? D segd n modgame n sɩng Biiblã zãmsg ne nebã seb-kãngã pʋgẽ d pipi sõsgã sasa. Kɛlgdã sã n zoe n tara sebrã, bɩ y wilg-a y sẽn zãmsd Biiblã ne nebã to-to ne seb-kãngã, sẽn na yɩl t’a bãng rẽ sẽn tõe n naf-a to-to. Zĩ-likr kiuugã: Gũusg Gasgã la Réveillez-vous ! wã. Ned sã n wilg t’a rat n bãng n paasame, bɩ y tũnug ne Y rat n bãnga Biiblã n paas bɩ? seb-vãoogã n sɩng Biiblã zãmsg ne-a. Sɩpaolg kiuugã: Biiblã sɩd yetame tɩ bõe? Kɛlgdã sã n zoe n tara sebrã, y tõe n kãab-a-la sebr sẽn tar seb-nens 192 buud fãa sẽn yi sẽn deng yʋʋmd 1992. Yʋʋm-sar kiuugã: D na n kãaba Zãmaan fãa nin-kãseng sẽn ka to sebrã. Kɛlgdã sã n tara kamba, bɩ y kãab-a Écoute le grand Enseignant sebrã.

◼ Sa-sik kiuugã sẽn tar sibr la hat rãmb a nu-nu wã, yɩta sõma tɩ y rɩk sõngr so-pakrã ki-kãnga.

◼ Y sã n dat n kẽng tẽng b sẽn pa sõdg rapoorã sẽn be Annuaire pʋgẽ wã pʋgẽ, bɩ b sẽn pa wilg a adɛrsã yaoolem Annuaire baasgẽ, bɩ y sok y Betɛllẽ wã n bãng y sẽn tog n maan bũmb ninga, bɩ noy takɩ sã n be y sẽn segd n tũ. Tõe tɩ b gɩdga koɛɛgã mooneg tẽng-kãng pʋgẽ. (Mat. 10:16) Tẽns kẽer pʋsẽ, tõe tɩ y pa tog n tɩ sokd n na n bãng a Zeova Kaset rãmbã Rĩung roog sẽn beẽ zĩig ninga, bɩ n baoodẽ na n yã-b ye. Betɛllã tõe n wilg-y-la bũmb nins y sẽn segd n maane, y sã n dat n zã sɛb bɩ y sã n wa rat n tiig n moone. Y sã n sak n tũ bũmb nins b sẽn na n wilg yãmba, na n kogl-y lame la ra sãam koɛɛgã mooneg tẽn-kãng pʋgẽ ye.—1 Kor. 14:33, 40.