Koeese

◼ Sɛb nins d sẽn na n kãab nebã zĩ-likr kiuugã: Gũusg Gasgã la Réveillez-vous ! wã. Ned sã n wilg t’a rat n bãng n paasame, bɩ y tũnug ne Y rat n bãnga sɩdã bɩ? seb-vãoogã n sõs ne-a. A sã n zoe n tara seb-vãoogã bɩ y modg n sɩng Biiblã zãmsg ne-a. Sɩpaolg kiuugã: Biiblã sɩd yetame tɩ bõe? Kɛlgdã sã n zoe n tara sebrã, y tõe n kãab-a-la sebr sẽn tar seb-nens 192 buud fãa sẽn yi sẽn deng yʋʋmd 1995. Yʋʋm-sar kiuugã: Zãmaan fãa nin-kãseng sẽn ka to sebrã. Kɛlgdã sã n tara kamba, bɩ y kãab-a Écoute le grand Enseignant sebrã. Yʋʋm-vẽkr kiuugã: Biiblã sɩd yetame tɩ bõe? A soabã sã n zoe n tara sebrã, y tõe n kãab-a-la sebr sẽn tar seb-nens 192 buud fãa sẽn yi sẽn deng yʋʋmd 1995. Wao-fugdg kiuugã: Y a-t-il un Créateur qui se soucie de vous ?, Zak pʋgẽ sũ-noogã kʋɩlen-biiga bɩ La Bible : Parole de Dieu ou des hommes ?

◼ B pa na n le tool saam-biisã lekollã na-kẽndr ye. B na n toola tiging fãa lekollã na-kẽndre, la b segd n tabla a ye tigingã tablo zugu. Lekollã yel-gɛt me na n talla a ye n get n kõt saam-biisã sõssã. B na n ket n kõta koe-moondbã Rĩungã tʋʋmd kiuug fãa, la b na n ningda tigingã Biibl zãmsgo, Wẽnnaam tʋʋmdã lekolle, la tʋʋmdã tigisg na-kẽndr semen fãa ne a rẽnd be.

◼ Yʋʋmd 2010 tʋʋlg kiuugã pipi semennã tɛka, yaa “ viens, suis-moi “ sebrã la d na n tall n maan tigingã Biibl zãmsgo. Tigims nins sẽn dat seb-kãngã wã tõe n kosame.

◼ D na n pʋɩya seb-vãad n bool nebã tɩ b wa yʋʋmd 2009 rasem a tãab tigis-kãsengã la tẽn-tẽns tigis-kãsemsã sẽn na n zĩnd dũniyã gill zugã. Koe-moondbã na n paama zu-noog n pʋɩ seb-vã-kãensã sẽn pa wõnd a taabã b moonegã zĩisẽ. Yaa tigis-kãsengã sẽn ket tɩ semen a tãab la d na n sɩng seb-vãadã pʋɩɩbo.

◼ B na n toola badz rãmbã tigimsã pʋsẽ tɩ b pʋɩ koe-moondbã. Sẽn na n kẽng-b tẽn-tẽns tigis-kãsengã me na n ninga badz kãngã.

◼ Rasem a tãab tigis-kãsengã gom-zug sẽn yet tɩ “Bɩ y gũ!” wã sã n wa ket tɩ semenne, y tõe n basa tʋʋmdã tigsg sõsg a ye la y lebs n vaees yɛl nins saam-biisã sẽn segd n tẽeg tigis-kãsengã yĩngã. Kiuug a ye bɩ a yiib tigis-kãngã poore, y segd n basa yɛl sẽn pak tigingã la y lebg n ges bũmb nins koe-moondbã sẽn yã tigis-kãsengã sasa tɩ tõe n sõng-b koe-moonegã pʋgẽ wã.

◼ B tẽegda kãsem dãmbã tɩ b tũ sagls nins sẽn be yʋʋmd 1991, tʋʋl-nif kiuug rasem 15 Gũusg Gasgã seb-nens 21-23 pʋgẽ wã, n tɩ n ges neb nins b sẽn yiis bɩ sẽn yiis b mens tigingã pʋgẽ, n tõe n dat tɩ b lebg n deeg-bã.