Koeese

◼ Sɛb nins d sẽn na n kãab nebã yʋʋm-vẽkr kiuugã: Biiblã sɩd yetame tɩ bõe? Kɛlgdã sã n zoe n tara sebrã, y tõe n kãab-a-la sebr sẽn tar nens 192 buud fãa sẽn yi sẽn deng yʋʋmd 1995. Wao-fugdg kiuugã: Y a-t-il un Créateur qui se soucie de vous ?, Zak pʋgẽ sũ-noogã kʋɩlen-biiga, bɩ La Bible : Parole de Dieu ou des hommes ? Tʋʋlg kiuugã: Biiblã sɩd yetame tɩ bõe? Koe-moondbã segd n ninga b yamẽ tɩ b sã n kõ ned sebrã, pa rẽ bɩ a soabã sã n zoe n tar-a lame, b segd n modg n sɩnga Biibl zãmsg ne-a. Tʋʋl-nif la sig-noy kiisã: Gũusg Gasgã la Réveillez-vous ! wã. Y sã n wa lebg n na n tɩ kaag neb nins sẽn dat n bãng n paasã, bɩ y ra yĩm neb nins sẽn wa a Zezi kũumã tẽegrã bɩ sẽn wat tigiss a taabã la b nan pa tigingã nebã yell ye. Modg-y n kãab-y nebã Biiblã sɩd yetame tɩ bõe? sebrã sẽn na yɩl n sɩng Biiblã zãmsg ne-ba. Sigr kiuugã: Biiblã sɩd yetame tɩ bõe? Kɛlgdã sã n zoe n tara sebrã, y tõe n kãab-a-la sebr sẽn tar nens 192 buud fãa sẽn yi sẽn deng yʋʋmd 1995.

◼ D na n modga wʋsg n bool nebã tɩ b wa rasem a tãab tigis-kãseng ning gom-zug sẽn yaa “Bɩ y gũ!” wã sẽn maand dũniyã gill zugã. Koe-moondbã na n paama zu-noog n pʋɩ seb-vã-kãensã b moonegã zĩigẽ. Yaa tigis-kãsengã sẽn wat n ket semen a tãab la d na n sɩng seb-vãadã pʋɩɩbo.

◼ Semen ning sẽn deng rasem a tãab tigis-kãsengã semennã, y tõe n basa tʋʋmdã tigsg sõsg a ye la y lebs n vaees yɛl nins d sẽn segd n tẽeg tigis-kãsengã yĩngã. Kiuug a ye bɩ a yiib tigis-kãsengã poore, y segd n basa yɛl sẽn pak tigingã la y lebg n ges bũmb nins koe-moondbã sẽn yã tigis-kãsengã sasa tɩ tõe n sõng-b koe-moonegã pʋgẽ wã.

◼ Zãma sõsg ning tigims sull yel-gɛtã sẽn na n wɛgs wao-fugdg kiuugã tɛk n tar n debdã gom-zug na n yɩɩ: “Bũmb ning Wẽnnaam Rĩungã sẽn maand tõnd yĩng masã.”