Wẽnnaam tʋʋmdã lekoll lebg-n-gese

B na n leoka sogsg nins sẽn pʋgdã Wẽnnaam tʋʋmdã lekollẽ, yʋʋmd 2010 zĩ-likr kiuugã rasem 25 semennã. Lekollã yel-gɛt na n lʋɩɩ taoor tɩ b maan minit 20 lebg-n-gese, sẽn tik sõss nins b sẽn wɛgs yʋʋmd 2010 bõn-bɩʋʋng kiuugã rasem a 6 semennã n tɩ tãag zĩ-likr kiuugã rasem 25 semennã zugu.

1. D sã n ges rĩm a Ozɩas (bɩ a Azaria) vɩɩmã sẽn yɩ to-to wã, zãmsda tõnd bõe? (2 Rĩm 15:1-6) [w91 15/7 s.n. 29-30]

2. Sẽn mik tɩ d miime tɩ Zide rĩm a Zotam rɩɩ naam yʋʋm 16, bõe yĩng masã tɩ 2 Rĩm dãmb 15:30, NW gomd a sẽn deeg naam tɩ “yʋʋm pisi” yelle? (2 Kib. 27:7, 8) [it-2 s.n. 1226 sull a 6]

3. “Samari neb” nins yell b sẽn gomd 2 Rĩm dãmb 17:29 pʋgẽ wã yaa ãnda rãmba? [it-2 s.n. 878 sull a 8]

4. Bõe yĩng tɩ b yet t’a Zeova “reng n tagsa bũmb ninga sẽn maand masã wã hal kʋdemd wakate”? (2 Rĩm 19:25) [w99 15/8 s.n. 14 sull a 3]

5. Wãn to la 2 Rĩm dãmb 25:8, 25, 26 wilgd Zerizalɛm sẽn segd n yɩ raboog yʋʋm pis-yopoe wã sẽn sɩng wakat ningã takɩ? [it-1 s.n. 403 sull a 5–s.n. 404 sull a 1; s.n. 471 sull a 1]

6. Bõe yĩng tɩ 1 Sãmwɛll 16:10, 11 yeel t’a Davɩɩd yaa a Zese (a Izai) bi-ribl a nii soaba, t’a Ɛsdras yaool n yetẽ t’a yaa yopoe soaba? (1 Kib. 2:15) [w02 15/9 s.n. 31]

7. Wãn to la d tõe n dɩk pĩnd wẽndẽ Galaad nebã togs-n-taare? (1 Kib. 5:10, 18-22) [w05-MM 1/11 s.n. a 9 sull a 8]

8. Mak-sõng bʋg la d tõe n dɩk Levi neb nins sẽn da yaa wẽnd-doogã zak noor gũudbã nengẽ? (1 Kib. 9:26, 27) [w05-MM 1/11 s.n. a 9 sull a 9]

9. Israɛlle, pĩnd wẽndẽ wã, yɩɩlã yõod ra taa zĩ-bʋgo? (1 Kib. 9:33) [it-2 s.n. 359 sull a 8]

10. Bõe yĩng tɩ d tõe n yeel t’a Davɩɩd manesem ning b sẽn bilg 1 Kibay 13:11 pʋgẽ wã pa sõma? [w05-MM 1/11 s.n. 11]