Koeese

◼ Sɛb nins d sẽn na n kãab nebã tʋʋl-nif la sig-noy kiisã: Gũusg Gasgã la Réveillez-vous ! wã. Y sã n yã ned sẽn dat n kelge, y tõe n kõ-a-la Yãmb dat n bãnga sɩdã bɩ? seb-vãoogã, la y modg n sɩng Biibl zãmsg ne-a. Y sã n wa lebg n na n tɩ kaag neb nins sẽn wa a Zezi kũumã tẽegrã bɩ sẽn wat tigiss a taabã, la b nan pa tigingã nebã, bɩ y kãab-b Biiblã sɩd yetame tɩ bõe? sebrã sẽn na yɩl n sɩng Biiblã zãmsg ne-ba. Sigr kiuugã: Biiblã sɩd yetame tɩ bõe? Modg-y n sɩng Biibl zãmsg y pipi sõsgã sasa. Kɛlgdã sã n zoe n tara sebrã, la a pa rat Biibl zãmsgo, y tõe n kãab-a-la periodik kʋdre, walla seb-bil sẽn na n yɩ-a noogo. Y sã n seg bi-bɩɩg bɩ ned sẽn tar kamba, bɩ y kãab-a Les jeunes s’interrogent — Réponses pratiques (1989). Sẽoog la sa-sik kiisã: Ket-y n gũusdẽ!, Vɩɩnd-y ne sũ-noog wakat sẽn kõn sa tẽng zugu!, Yãmb yãa vɩɩm sẽn pa satã sor bɩ?

◼ Sig-noy kiuugã tɛka, tigimsã fãa na n kãabda nebã Biibl zãmsg kiuug fãa pipi sibrã daare. Gũusg Gasgã sõsg ning gom-zug sẽn yet tɩ: “Wẽnnaam Gomdã sẽn yetã” na n sõnga koe-moondbã tɩ b tõog n maan rẽ. Kiuug fãa, Rĩungã Tʋʋmdã yaoolem seb-nengã pʋgẽ, b na n wilg-d-la d sẽn tõe n maan rẽ to-to nana-nana kiuug ning sẽn pʋgdã pipi sibrã daare.