Koe-moonegã kibaya

◼ Yʋʋmd 2011 tʋʋl-nif kiuugã sasa, b sẽn kõ sor tɩ sẽn dɩk-b sõngr so-pakrã tõe n moona lɛɛr 30 wã, Sãntrafiriki, yɩɩ neb 791 n dɩk sõngr so-pakrã. La b sõorã zɩ n ta woto ye. Sɛb sõor b sẽn bas ne nebã, lɛɛr dãmb nins b sẽn dɩk n moonã, la b sẽn lebg n tɩ ges neb ninsã sõorã me buud ra na zɩ n zĩnd ye. Neb nins b sẽn zãms Biiblã sõor yɩɩ 6425. D sã n dɩk rẽ n mak ne yʋʋmd 2010 tʋʋl-nif kiuugã rẽndã, yaa Biibl karen-biis sẽn kolg 1000 la b paam n paase. Dẽnd d tõe n yeelame tɩ koe-moond fãa paama ned n zãms Biiblã, tɩ kẽer paam sẽn yɩɩd rẽ menga.

◼ Tsaade, yʋʋmd 2011 tʋʋl-nif kiuugã, yɩɩ koe-moondb 163 n yɩ sõngr so-pakdba. B zɩ n paam sõngr so-pakdb sõor a woto ye. Koe-moondb wʋsg wilgame tɩ b sũy yaa noogo, b sẽn kõ sor tɩ b tõe n moon lɛɛr 30 tʋʋl-nif kiuugã, bala, yɩɩ segb b sẽn paam n tõog n moon wʋsgo.