Koeese

◼ Sɛb nins d sẽn na n kãab nebã tʋʋl-nif la sig-noy kiisã: Gũusg Gasgã la Réveillez-vous ! wã. Ned sã n dat n bãng n paase, bɩ y tũnug ne Yãmb dat n bãnga sɩdã bɩ? seb-vãoogã n sɩng Biiblã zãmsg ne-a. Y sã n wa lebg n na n tɩ kaag neb nins sẽn wa a Zezi kũumã Tẽegrã, bɩ sẽn wat tigiss a taabã la b nan pa tigingã nebã, bɩ y kãab-b Biiblã yetame sebrã sẽn na yɩl n sɩng Biiblã zãmsg ne-ba. Sigr kiuugã: Biiblã sɩd yetame tɩ bõe? D segd n modgame n sɩng Biiblã zãmsg ne nebã seb-kãngã pʋgẽ d pipi sõsgã sasa. Kɛlgdã sã n zoe n tara sebrã, la a sã n pa sak Biiblã zãmsgã, y tõe n kãab-a-la periodik bɩ brochure buud fãa y sẽn tagsd tɩ na n yɩ-a-la noogo. Sẽoog la sa-sik kiisã: Y tõe n kãaba brochure kãensã sẽn tar seb-nens 32 wã: Ket-y n gũusdẽ!, La Vraie foi — Le chemin qui mène au Bonheur, La Bible — Quel est son message?, ne Yãmb yãa vɩɩm sẽn pa satã sor bɩ?. Y sã n wa lebg n na n tɩ kaag ned sẽn dat n bãng n paase, bɩ y kãab-a Biiblã yetame sebrã, wall y ges sã n yaa sõma n yɩɩd tɩ y kõ-a Kelg-y Wẽnnaam bɩ Kelg-y Wẽnnaam n paam n vɩɩmd wakat sẽn kõn sa sebrã, la y kell n sɩng Biibl zãmsgo.

◼ Semen ning sẽn deng rasem a tãab tigs-kãsengã semennã, y tõe n basa tʋʋmdã tigsg sõsg a ye la y lebs n vaees bũmb nins d sẽn segd n tẽeg tigs-kãsengã yĩngã. Kiuug a ye bɩ a yiib tigs-kãsengã poore, y tõe n basa “yɛl sẽn pak tigingã” la y sõs ne koe-moondbã, tɩ b togs bũmb nins b sẽn wʋm tigs-kãsengã sasa tɩ tõe n sõng-d koe-moonegã pʋgẽ wã.

◼ Y sã n magd n na n tog sore, n na n kell n maan rasem a tãab tigs-kãsengã beenẽ, bɩ y ges jw.org sit wɛɛbã pʋgẽ tɩ y na n paama kibay sẽn na n sõng-yã. Y sã n kilik sitã pʋgẽ zĩig ning b sẽn gʋls tɩ “ Consultation, ” y na n yãa b sẽn gʋls tɩ “ Assemblées de district. ” Kilik-y be tɩ y na yã kibayã.