Koe-moonegã kibaya

◼ Liberia, b maana rasem a tãab tigs-kãseng ning gom-zug sẽn yɩ “Bɩ Wẽnnaam Rĩungã wa!” wã zĩis a yoob hal tɩ yɩ sõma. Tẽn-kãngã koe-moondbã sõor sẽn yɩɩd 5900 wã sũur yɩɩ noog wʋsgo, b sẽn bãng tɩ neb 30209 n wa n kelgã, la tɩ yɩɩ neb 211 n deeg lisgã.

◼ Kamerun tẽngẽ wã, yʋʋmd 2012, wao-fugdg kiuugã rasem a 5 daarã, a Zeova Kaset rãmbã tigma taab Douala ɛstaad kẽengã pʋgẽ n kelg surveillant de zone sõsga. Kɛlgdbã yii Gabõ, Gine Ekwatoriall la Kamerun tẽns a taabẽ. Neb 38164 sẽn zẽk b koees n yɩɩl n pẽg a Zeova wã kelgr da bee yamleoog wʋsgo. A Zeova Kaset rãmb sõor sẽn ta woto na zɩ n tigim taab tẽn-kãngã pʋgẽ ye.